Reichswald

Van Wikipedia

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.


Typische busjrank, ten zuje va Kranenburg, óp g'n grens

't Reichswald is e huëvelachtig busjgebeed in 't weste va g'ne Dütsje bóndssjtaat Noardrien-Wesfale, direk aa g'n Nederlandse grens bei Gennep en Groesbeek. 't Is óngerdeel va g'ne Nederriense Huëvelruk, e groeëter huëvelechtig gebeed tussje Nimwege en Krieëvel. D'r hoeëgste natoerlige top is d'r Rupenberg mit ing huëgde van 96 meter boave Normalnull. D'r busj hat ing óppervlakde van 5.100 hektaar, oeëmit 'r ee va de groeëtste busjgebede i g'ne Niederrhein is. 't Reichswald is evvel nog meh e resjtant va wat 't oeëts woar. I de middelieëwe heesjde d'r busj nog 't Ketelwald. Dit busjgebeed sjtrekde zich oet va Nimwege in 't weste bis Goch en Sante in 't oeëste.

Wie d'r naam "Reichswald" óntsjtóng[bewirk | brón bewèrke]

't Reichswald óntsjtóng, noadat 't busjgebeed aafwisselend deel oetmakde van Hertogdom Gelre en Hertogdom Kleve. D'r bank tussje dees hertogdomme veel in 1543 oeteenanger. 't Gelderse gebeed bei Nimwege woeëd Bourgondisch rieksbezit en woeëd vanaaf dat moment 't Nederrijkswald geneumd. 't Anger deel, dat behuurlig groeëter woar, woeëd 't (Ober)reichswald geneumd en woar Kleefs bezit. Sjpieëder veel 't Oberreichswald ónger de koervórste va Brandeburg en Pruses. Dit Dütsje deel weëd allewiel nog allezeleëve Reichswald geneumd, dewiel 't Groesbeekse deel soms d'r naam "Nederrijkswald" of "Rijkswald" draag. I d'r volksmónk heesj 't ieëder 't Grüske. De totaal versjillende benaminge vuur 'tzelfde sjtuk busj is 't gevolg va verkoop va percele i d'r nuëgetieënde ieëw.

Twieëde Weltkreeg[bewirk | brón bewèrke]

I d'r Twieëde Weltkreeg woeëd hei vöal en heftig gevochte. D'r Busj woar in 't vreugjoar van 1945 sjtriedtoneel i d'r Sjlaag um 't Reichswald. Aan 't ing va d'r krieëg sjtoetde de geallieerde tróppe durch noa 't Ruhrgebeed, 't hat va g'n Dütsje kreegsindustrie. De Dütsje tróppe hole hei knap 'n moand sjtank. D'r vele 61.000 doeëde en gewónge.

Noa d'r kreeg woeëde sjtukke busj geroajd um de dörpe Reichswalde en Nierswalde aa te legke. Doa-i koame Dütsje vluchtelinge oet de durch Pole geannexeerde oeëstelige gebeder te woeëne.

Plantegrui[bewirk | brón bewèrke]

D'r busj van 't Reichswald besjteet groeëtedeels oet loofbeum, vuural beuke en inkel percele zoeëmereke. Wier guëf 't sjtukke naaldbusj. Ópvallend is dat e groeët deel va d'r busj ópgedild is i veerekke, die vaneenanger gesjeie zint durch brei sjpatzeerlane. Dit sjtuk is in de zeëvetieënde ieëw aagelag door Pruses.

Plaatsje (kloksgewies)[bewirk | brón bewèrke]

Galerie[bewirk | brón bewèrke]

Commons
Commons
In de categorie Reichswald van Wikimedia Commons zeen media gerelateerd aan dit óngerwerp te vènje

Referenties[bewirk | brón bewèrke]

Dit artikel baseert zich óp 't corresponderend Nederlands artikel.

==Brónne==
Brón(ne):
  • Blaauw, H., Kempers, L., Louppen, J., & Noordrik, J. (3e druk 2016). Geopaden op de stuwwal. 12 geologische wandelingen in het stuwwalgebied tussen Kleve, Nijmegen en Mook. Utrecht: Matrijs, p. 90, 98-99
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Reichswald&oldid=423910"