Pygmalion

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Örsjte Amerikaanse oetgave in 1914

Pygmalion is e toneelsjtuk in vief bedrieve van d'r Iers-Britse sjriever George Bernard Shaw. Shaw sjreef 't sjtuk in 1913 en 't góng óp 16 oktober van dat jaor in 'n dör Shaw verzörgde Duutsje versie in première in 't Hofburg Theater in Wene. De örsjte ópveuring in Ingeland vón plaatsj óp 11 april 1914 in His Majesty’s Theatre. D'r titel van 't sjtuk verwiest nao de mythische Griekse figuur Pygmalion.

Verhaol[bewirk | brontekst bewerken]

Laeswaarsjoewing: Ongersjtaonde teks bevat details van de plot en/of de aafloup van 't verhaol.

't Verhaol drieëjt öm professor Henry Higgins, 'ne deskundige óp 't gebied van d'r fonetiek (gebaseerd op de befaamde foneticus Daniel Jones) en speech-sjriever en 't Cockney sjpraekend blomeverkeupsterke Eliza Doolittle. Higgins gèèt 'n weddensjap aan mèt ziene vreund kolonel Pickering dat 't 'm zal gelökke öm Eliza in kórte tied neet allèng perfect Ingelsj te lieëre mae häör ooch de gangbare etiquette in de hoeëger kring ège te make. E sjlaagt oeteindelek in ziene ópzat, mae tiedens 't proces is Eliza e-zoe geëmancipeerd gerakt, dat ze aa-gèft neet langer aafhankelek te zieë van Higgins en häöre ège waeg te kènne goeë.

Filmversie[bewirk | brontekst bewerken]

't Sjtuk waor 'n groeët succes. Shaw paasde 't sjtök èges aan vör de filmversie in 1938. Dis versie haat 'ne get aandere aafloop wie 't sjtök: in d'r film keumt 't an 't èng töt 'n versjtaandhouding tösje de hoofdpersone, professor Higgins en Eliza Doolittle, terwiel dat in 't toneelsjtuk neet gebäört.

Inspiratie vör aander waerk[bewirk | brontekst bewerken]

  • Op basis van 't filmverhaol ontstong d'r musical My Fair Lady, dae in 1956 óp Broadway in première góng. In 1960 vólgde de Nederlandse première. In 1964 versjaen de zieër succesvolle filmversie mèt Rex Harrison en Audrey Hepburn in de hoofdrolle.
  • Willy Russell sjreef de comedie Educating Rita in 1980 en paasde ooch èges 't sjtuk aan vör de filmversie va 1983.

Externe links[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Pygmalion&oldid=344928"