Pieterpaad

Van Wikipedia
Gank nao: navigatie, zeuke

Dit artikel is gesjreve in 't Gelaens. 't Weurt gewaardeerd óm in dit artikel 't Gelaens aan te hauwe of aan te gaeve welk anger dialek gebroek is.


Wanjelroute Pieterpaad in kaart gebrach

't Pieterpaad (LAW 9) is de bekèndste lange-aafsjtand-wanjelroute van Nederland.

Besjrieving[bewirk | brontekst bewerken]

De route veurt van Pieterburen aan de Groningse Waddekus nao de Sint Pietersberg biej Mesjtreech en haet 'n lengde van óngevieër 490 kilomaeter, óngerverdeild in 27 etappes. De route veurt door de meis oeteinloupende landjsjappe. Op jeder etappe kómme vriewaal dageliks wanjelaers van 't Pieterpad langs.

Op de Sint Pietersberg sjlut 't Pieterpaad aan op de Europese GR5, dae teves óngerdeil is van wanjelroute E2. De GR5, dae via de Ardenne en de Franse Alpe nao Nice löp, is ein van de populairste internationale wanjelpaje veur Nederlandse wanjelaers.

't Paad besjteit sins 1983 en is óntwórpe door de Tilburgse Toos Goorhuis-Tjalsma en häör Groningse vriendin Bertje Jens. Op 21 april 2006 is d'r in Vorden, hauverwaege 't Pieterpaad, 'n bronze plaquette ónthuld es eërbetoan aan allebei de dames. Ouch in de bosjwachterie 't Sleenerzand bevundj zich 'n monument mèt plaquette ter eëre van de óntwerpers van de wanjelroute. 't Pieterpaad wirt óngerhouwe door 'n wirkgroep, ónger aanveuring van Maarten Goorhuis (zoon van Toos Goorhuis) en Wim van der Ende.

't Pieterpaad is aangegaeve met de internasjenaal bekènde wit-roaj merkteikes van lange-aafsjtandswanjelpajer (LAW) en sjteit in detail besjreve in tweë Nivon-wanjelgidse.

Verangeringe[bewirk | brontekst bewerken]

In de loup van de tied zint d'r heël wat verangeringe in 't tracé van 't paad gekómme. Dees verangeringe kènne ’n gevold zeen van verangeringe in 't landjsap zelf, zoa-es de aanlègk van de A73. Belangrieker veur de wandelaer zint aevel die mutaties wobie nao sjoanere routes is gezoch, vanoet landjsjappelik oagpuntj. Door natuuróntwikkeling zint d'r tal van nuuj meugelikheje biegekómme. Belangriek daobie is dat d'r meë ónverhard wirt geloupe. Zoa woort d'r biej de herdènking van 't 25-jaorig besjtaon van 't paad op 25 oktober 2008 in Vorden 'n vernuujd noordelik tracé (deel I) geprizzenteerd.

Film[bewirk | brontekst bewerken]

Boven de Bergen is 'n Nederlandse film die sjpeelt taenge de achtergróndj van 'n wanjelvakans langs 't Pieterpaad. De film is geproduceerd in 1992 en is geregisseerd door Digna Sinke.

Thriller[bewirk | brontekst bewerken]

In 2005 versjeen de thriller Moord op het Pieterpad van Gebr. Wagenaar (pseudoniem van 't sjrieversduo Gert Jan de Vries en Auke Leistra). 't Verhaol sjpeelt zich aaf róndj de etappeplaatsj Vorden, wo de biograaf van de dichter Staring wirt vermoord.

Etappes[bewirk | brontekst bewerken]

etappe van nao lengde (km)
1 Pieterburen Winsum 11
2 Winsum Groninge 18
3 Groningen Zuudlare 21
4 Zuudlare Rolde 16
5 Rolde Schoonloo 19
6 Schoonloo Sleen 22
7 Sleen Coevorden 19
8 Coevorden Hardenberg 20
9 Hardenberg Ommen 22
10 Ommen Hellendoorn 20
11 Hellendoorn Holten 15
12 Holten Laren 15
13 Laren Vorden 14
14 Vorden Doetinchem 26
15 Doetinchem Hoch-Elten 19
16 Hoch-Elten Millingen aan de Rien 12
17 Millingen Groesbeek 20
18 Groesbeek Gennep 15
19 Gennep Vierlingsbaek 17
20 Vierlingsbeek Swolgen 21
21 Swolgen Venlo 22
22 Venlo Remunj 31
23 Remunj Pey (Ech) 21
24 Pey Zitterd 18
25 Zitterd Sjtraobaek (Valkeberg)   21
26 Sjtraobaek Mesjtreech 11
27 Mesjtreech Sint Pietersberg 4

Externe link/Brón[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Pieterpaad&oldid=341660"