Philippe-Charles Schmerling
Van Wikipedia
Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.
Philippe-Charles Schmerling (1790-1836) is 'ne Belzje arts en Luukse archeoloog dae in Delft gebaore is. Schmerling oontdèkde in 1830 in Engis D'r miensj va Engis, e geraemsj dat 100 jaor later es örsj voonde Neanderthaler erkènd waoërt.
Inhawd |
[bewirk] Biografie
In 1829 begoof d'r arts Schmerling zich nao Engis vör 'n consult bie 'ne sjteenhouwer, in 't dal van de Maas tösje Luuk en Huy. E zoog dat 'ne groep keender mèt knäöek waore an 't sjpäöle. E duidde die knäöek es fossielle va zoogdiere. De jaore daoóp góng e óp oonderzeuk in de krietgrotte van dae regio.
Schmerling oontdèkde väöl reste va zoegdere die gaar neet in d'r sjtrieëk väörkaome, zoewie van neushoorns, mammoete, baere mae ooch miensjeleke reste tróf e aa in de ègeste laog, oeë oet aafleide dat 't góng öm fossielle va luuj oet de prehistorie. E oondèkde twieë sjedels in Engis en ene in Engihoul. Twieë daovan zeunt oet 't neolithicum mae Engis2 waoërt later geïdentificeerd is dat van e Neanderthalerkeend.
Julien Fraipont bevestigde slechs in 1836 dat 't góng öm d'r sjedel van 'ne jónge miensj en achde de typische Neanderthalerkenmerke van minder belang. Oonderwiel waoërte ander reste van d'r Neanderthaler voonde, óp Gibraltar in 1848 mae väöral in 1856 in 't Neandertal, bie Dusseldörp dör d'r wetensjapper en lieërer Johann Carl Fuhlrott. Fuhlrott miengde ooch sjtellig dat 't góng öm fossiel reste va prehistorische luuj, mae gerenomeerde archeologe, zoewie d'r arts en politicus Rudolf Virchow, sjtèlde vas dat 't góng öm idiotesjedels. Dis lètste vasstèlling haat 't oonderzeuk óp dit terrein vör 10-talle jaore geblokkeerd.
D'r arts Schmerling bevestigt dat d'r miensj en d'r mamoet in de ègeste laog zeunt voonde, mae e kraeg z'n twiefels över de betekenis van dat verbaand: « Nous doutons fort, sjreef-e que l'éléphant, lors de l'époque du remplissage de nos cavernes, habitât nos contrées. Au contraire , nous croyons plutôt que ces restes ont été amenés de loin, ou bien que ces débris ont été déplacés d'un terrain plus ancien et ont été entraînés dans les cavernes.» Ooch makde e zoegezag de vergissing van Georges Cuvier dae neet geleufde dat in d'r tied van de mamoete ooch al luuj laefde.
[bewirk] Brón
- Fraanstalige Wikipedia
[bewirk] Externe leenk
[bewirk] Référence
- M. Toussaint - Les hommes fossiles en Wallonie - De Philippe-Charles Schmerling à Julien Fraipont, l'émergence de la paléoanthropologie, Carnets du patrimoine n° 33, Ministère de la Région wallonne (2001).
