Patrick Dybiona
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Broensems, es te dit dialek sjpriks.
Patrick Stefan Bernard Dybiona (Brunssum, 12 september 1963) is 'ne veurmalige Nederlandjse topzjwömmer mèt es sjpecialiteit de korte afsjtand op de vrieje sjlaag. Hae nóm veur Nederlandj eine keër deil aan de Olympische Sjpele in 1988 in Seoel.
In de Zuud-Koreaanse hoofsjtad wis Dybiona allein de finale te bereike mèt de estafetteploog op de 4x100 maeter wisselsjlaag, same mèt Ron Dekker (sjaolsjlaag), Frank Drost (vlindersjlaag) en Hans Kroes (rögksjlaag). Haezelf naom op dit nummer de vrieje sjlaag veur zien raekening. 't Team eindjigde in de finale es zevende in 'ne tied van 3.46,55.
Op de 4x100 maeter vrieje sjlaag vele Dybiona en teamgenaote boete de eindjsjtried: èlfde plaatsj in 3.25,26. Biej zien twee perseuënlikke sjtarts, de 100 en de 200 maeter vrieje sjlaag, wis de Limburger neet door te dringen tot de finale; hae finishde op respectievelik ein dertigste (51,79) en de 34ste (1.52,67) plaatsj.
Biej de waereldkampioensjappe in 1986 woort hae mèt zien estafetteteam 7e op de 4x100m wisselsjlaag en 7e op de 4x200m vrieje sjlaag en 8e op de 4x200m vrieje sjlaag. Internationaal hej hae ’t meiste succes op de Universiade van 1987 wo hae drie zilvere medajjes won; ein perseuënlikke medajje op de 100m vrieje sjlaag en tweë mèt de estafetteploog op de 4x100m vrieje sjlaag en de 4x200m vrieje sjlaag.