Olifantsspitsmoes

Van Wikipedia

Olifantsspitsmuis of Macroscelidea zien 'n orde vaan zoegdiere mèt e moesachteg oeterlik, die evels neet mèt muis of spitsmuis verwant zien. Ze zien inheims in Afrika. Ze zien relatief molleg en höbbe 'n lengde tösse de 10 en 30 cm. Sommeg lui spreke lever vaan sengi's (nao d'n inheimse Bantoe-naom), umtot dat dudeliker maak tot de diere gein spitsmuis zien. 't Veurvoogsel olifant- daanke ze aon hun slurf, 'n laang neus die veural gebroek weurt veur 't opzeuke vaan insekte die op hun dieet stoon.

Olifantsspitsmuis zien sjichteg dierkes, die me neet dèks zuut, oondanks 't feit tot ze euverdaags actief zien.

[bewirk] Taxonomie

Al olifantsspitsmuis hure tot ein familie, de Macroscelididae. Wel is die oonderverdeild in twie subfemilies. 'rs Zien vieftien saorte.

OLIFANTSSPITSMUIS (Macroscelidea)

• Macroscelididae
  • Rhynchocyoninae
    • Gawdvotsolifantsspitsmoes (Rhynchocyon chrysopygus)
    • Zwarten Olifantsspitsmoes (Rhynchocyon petersi)
    • Geblokden Olifantsspitsmoes (Rhynchocyon cimei)
    • Veerteenolifantsspitsmoes (Petrodromus tetradactylus)
  • Macroscelidinae
    • Kortoersolifantsspitsmoes (Macroscelides proboscideus)
    • Kortsnoetsolifantsspitsmoes (Elephantulus brachyrhynchus)
    • Kaapsen olifantsspitsmoes (Elephantulus edwardii)
    • Doesterpoetegen olifantsspitsmoes (Elephantulus fuscipes)
    • Doesteren olifantsspitsmoes (Elephantulus fuscus)
    • Savannenolifantsspitsmoes (Elephantulus intufi)
    • Oostelike rotsolifantsspitsmoes (Elephantulus myurus)
    • Somalischen olifantsspitsmoes (Elephantulus revoli)
    • Noord-Afrikaansen olifantsspitsmoes (Elephantulus rozeti)
    • Roejen olifantsspitsmoes (Elephantulus rufescens)
    • Westelike rotsolifantsspitsmoes (Elephantulus rupestris)