Nové Zámky

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


't Waope ven Nové Zámky, woróp dudelik de vorm van 't stadscentrum te zeen is.

Nové Zámky (Hongaars: Érsekújvár; Pruus; Neuhäusel of Neuhäusl; Törks: Uyvar) is 'n stad in 't zuje van Slowakiëe mit ruum 41.000 inwoeaners. De stad ligk op de Donauvlekdje en woor vruueger 'n wichtige vesting. De gemèndje ómvatj de oearsprónkelike stad Nové Zámky en 't dörp Nový Gúg.

Gesjiechte[bewirk | brontekst bewerken]

De zesheukinge vesting die ouch in 't stadswaope van Nové Zámky veurkump.

De plaats óntsting inne zestieëndje ieëf naeven 'ne börch dae ter besjerming taenge de Törke geboewdj gewaore waar. In 1571 woort de plaats veur 't ieës geneump, es Uyuar. Tösse 1573 en 1581 woort de börch verboewdj toet 'n zesheukige vesting, die trögk te vinjen is in 't waope van Nové Zámky.

Nao väöl mèslökdje poginge slaagdjen de Törke d'r in 1663 in de vesting te vereuvere. Ze bezatte dees dao nao nag 22 jaor. Later speeldje de vesting 'n wichtige rol bie diverse anti-Habsburgse opstenj, wonao 't in 1724/1725 door Karel VI gedeildjelik woort aafgebraoken óm te veurkómme det anger de vesting es basis zówwe kinne gaon broeke.

Toet 1918 behuuerdje de stad toet 't Keuninkriek Hongarije, daonao toet 't nuuj Tsjechoslowakieë en tösse 1938 en 1945 weer toet Hongarije. Gedoerendje daen tied, inne Twieëdje Waereldkrieg, woor de stad doelwit van diverse geallieerdje bombardementje, wobie ze zwaor getróffe woort.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Nové_Zámky&oldid=343387"