Nicolas Poussin

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Zelfportrèt

Nicolas Poussin (juni 1594, 19 november 1665) waor 'ne Franse sjilder. Hae ies de belangriekste vertegewoordiger van 't Frans classicisme in de 17e ièw. In zie werk kómme de deugde helderheid, logica en orde tot uting. Ziene invlood op de Franse kuns ies groat. Ouch twintigste ièwse sjilders wie Paul Cézanne woorte door häöm beïnvlood. Väöl van zien werke zint te zeen in 't Louvre.

Biografie[bewirk | brón bewèrke]

Les Bergers d'Arcadie of Et in Arcadia ego, ca. 1638-1640

Poussin woort gebore in de buurt van 't plaetske Les Andelys, dat tegewoordig in 't departement Eure in Normandië liek. Hae ging in de lièr in versjillende ateliers. In daen tied veranderde de Franse kunswaereld; 't oud systeem van ateliers mèt lièrlinge woort geleijelik aan vervange door academies. Poussin ies noats nao 'n academie gegange.

Vanaaf 1624 wèrkde hae in Roame, woa 'r onder besjerming sjtong van kardinaal Barberini, 'ne kunsverzamelaer en mecenas. In 1629 trouwde hae mèt Anna Maria Dughet.

In 1640 vroogte Lodewiek XIII en Kardinaal Richelieu häöm um truuk te kómme nao Frankriek um veur de keuning te sjildere. In 1642 ging 'r weer truuk nao Roame, woa 'r sjilderieje mèt mythologische thema's ging make.

Poussin sjtorf in Roame op 19 november 1665.

Commons
Commons
Op de pazjena Nicolas Poussin van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Nicolas_Poussin&oldid=349605"