Nónnevot

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


’n Nónnevot

’n Nónnevot is e Limburgs gebekske, det van vreugeroet oet Zittert kump. ’t Haet de vorm van ’n lös mit ’ne knoup drin, ouch waal strik geneump.

In Haerle wuuert de nónnevot ouch waal poeffel geneump.

Bereiing[bewirk | brontekst bewerken]

Nónnevotte waere gemaak van mael, mèlk, ges, zaat, sókker, bótter en aoling. ’t Gehieël wuuert vervolges gefrituurdj.

Gesjiechte[bewirk | brontekst bewerken]

De gesjiechte van de nónnevot geit trök toet in ’t Zittert van de zevetieëndjen ieëw. ’t Persieze óntstaon d’rvan is aevel neet dudelik, meh waat vassteit is det in 1676 nónnevotte woorte aangebaoje aan Franse bevelhöbbers, die in daen tied de stad wólle innumme.

Wie ’t baksel ziene naam gekregen haet is neet gans dudelik. In de zevetieëndjen ieëw waas d’r e kloeaster in Zittert van de Zösters Franciscanesse. Volges sómmige haet ’t ziene naam te danke aan miense die dao fóddele brachte veur de erm luuj, woveur de nónne häör dit gebak gove. Volges angere zów de naam aafkumstig kónne zeen van de strik die nónne op häör echelste (oppe vot) droge.

Gebroeke[bewirk | brontekst bewerken]

Nónnevotte waere traditiegetroew genöttig bie fieëstelike gelaege, wie de vastelaovendj en halfvaste. Ze waere döks ouch oetgedeildj dore vastelaovesvereiniging bie groeate optochte.

Allewiel zeen nónnevotte ’t ganse jaor door verkriegbaar. Me itj ze ouch waal mit nujaor.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Nónnevot&oldid=342887"