Nóndezjuke

Van Wikipedia
Gank nao: navigatie, zeuke

Dit artikel is gesjreve in 't Gelaens. 't Weurt gewaardeerd óm in dit artikel 't Gelaens aan te hauwe of aan te gaeve welk anger dialek gebroek is.


'n Nóndezjuke dudelik in beeld

'n Nóndezjuke (Nederlands vlinderdas of vlinderstrik) is 'n saort sjtrik die door mansluuj op de baord van ein humme wirt gedrage. De sjtrik dank ziene Nederlandse naam aan zien vorm, die ènnigszins op die van 'ne vlinder liek. In de volksmóndj sjpruk me doorgaons van 'n sjtrikske went me de vlinderdas bedoelt.

't Nóndezjuke besjteit oet 'n lint (meistal gemaak van zieje, mèr ouch waal van ketoen of polyester) dat, vergeliekbaar mèt ein krevat, óm de hals wirt geknuip. 't Lint eindigt aan allebei de oeteinje in 'n sjtrik, wodoor de sjtrik nao 't knuipe 'n vlinderechtige vorm kriet. Allewiel wirt 't nóndezjuke vriewaal oetsjloetend biej galakleijing gedrage: 'n zjwart biej 'ne smoking ("black tie"), 'n wit biej 'n rokkestuum ("white tie"). 't Drage van 'n nóndezjuke biej dagelikse kleijing wirt allewiel (in Nederlandj) es euverdreve chique ervare.

Nóndezjukes besjtaon in alle dènkbare groates, materiale, kleure en dessins. Behauve de nóndezjukes die gesjtrik mótte waere zint d'r ouch veurgesjtrikde exemplare verkriegbaar.

Eine bekènde drager van ’n nóndezjuke waas Winston Churchill. In Nederlandj waas dat vreuger Toon Hermans biej zien optraejes.

Perfiel Toon Hermans, mèt nóndezjuke, in de sjtadssjouwburg in Mesjtreech

.

Brón[bewirk | brontekst bewerken]


Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Nóndezjuke&oldid=341853"