Muse

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Muse is 'ne Britse band vaan alternatieve popmuziek. Ze besteit oet Matthew Bellamy (zaank, gitaar, tósje), Christopher Wolstenholme (basgitaar) en Dominic Howard (slaagwerk). Matthew Bellamy is ouch d'n actiefste songsjriever vaan de band.

't Idioom vaan de band is klassiek beïnvlood en weurt daorum wel neoprog geneump. Neve rock en klassieke meziek hole ze inspiratie oet de mies oetereinloupende stijle, boe-oonder dubstep. De arrangeminte zien origineel en dèks groets opgezat; de songs zien gemeinelek neet bezunder laank (wie dat dèks wel 't geval is mèt progrock). De tekste behandele dèks groete thema's, mier es eine kier geïnspireerd op natuurkunde. Gans in de traditie vaan de progrock bringe ze in de regel concepalbums oet.

Muse woort begin jaore negenteg op 'n sjaol in Ingeland geformeerd. In 1996 - Bellamy is daan zestien jaor - trejje ze op in 'n lokaal manifestatie vaan bands, die ze wonne. Door de jaore heer veraandert hun muziek vaan weineg gecompliceerden hardrock in de melodische pathetische muziek boerum de band noe bekind steit. Nao e paar ep'kes bij klein maatsjappije kump in 1999 Showbizz oet, boemèt de band bekind weurt. Mèt de albums Origin of Symmetry en Absolution vereuvere ze de gaanse muziekwereld. Vaan 't laotste album woort de single Sing for Absolution 'ne Nederlandse nómmer-veerhit. In 2000 en 2003 stoon ze op Pinkpop. In 2006 kaom 't nui album Black Holes and Revelations oet.

In 2012, 't jaor tot ze The 2nd Law oetbrachte, woort 't leedsje 'Survival' tot symbool vaan de Olympische Speule in Londe gemaak.

Discografie[bewirk | brontekst bewerken]

  • Showbiz, 1999
  • Origin of Symmetry, 2001
  • Hullabaloo: Live at Le Zénith, 2002
  • Absolution, 2003
  • Black Holes and Revelations, 2006
  • HAARP: Live at Wembley, 2008
  • The Resistance, 2009
  • The 2nd Law, 2012

Bronne[bewirk | brontekst bewerken]

Oor's eerste Nederlandstalige Popencyclopedie, editie 2004

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Muse&oldid=337909"