Mosasaurus

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Teikening vaan de sjeel vaan 'n Mosasaurus hoffmanni

Mosasaurusse ("Maosherdisse") zien e geslach vaan fossiel reptiele oet de oonderorde Sauria, oet de familie Mosasauridae, die in zie leefde. De Mosasaurus heet ziene naom te daanke aon de vindplaots vaan 't ierste fossiel: de Sint-Pietersberg bij Mestreech. Mosasaurus leefde in 't ouch al nao häöm geneump Maastrichtien, de lèste epoch vaan 't Kriet (71,3 - 65,4 miljoen jaor geleie).

De ierste fossiele vaan 'ne Mosasaurus woorte opgegraove in 1766, decennia veur de ierste dinosaurusse. 't Góng oonder mier um twie oonderkake en ein bovekaak. Die ligke allewijl in 't Teylers Museum in Haarlem. In 1774 woort nog 'n kaak gevoonde, die bekind is gewore umtot 'r door de Franse tijens de Fraanse bezètting geklajd is en nao Paries is mètgeveurd. Allewijl ligk 'r dao in 't Muséum Nationale d'Histoire Naturelle. Biologe herkinde in die fossiele direk herdissereste, meh daan väöl groeter. Dit brach e debat op gaank of bieste mesjiens neet kóste oetsterve anders es door minseleke oetroejing; dit waor in deen tied nog 'n controversieel gedachte. Väöl lui meinde tot bieste door God gesjaope neet op 'n natuurleke meneer kóste oetsterve; dit zouw in tegespraak zien mèt 't doel vaan de sjöpping. Later vónste in zuidelek Limburg voonte plaots in 1956 (in de melgerkojl bij 't Root), in 1998 (in de kalksteinkojl vaan de ENCI; bijgenaomp Bèr) en in 2012 (ouch in d'n ENCI-kojl; bijgenaomp Carlo). Bèr is euvergebrach nao 't Natuurhistorisch Museum in Mestreech; mèt Carlo geit dat ouch gebeure.[1]

De Mosasaurus waor e slaank bies boevaan de veer pu tot flippers waore oetgegreujd. Mèt die flippers en ziene start, boe 'n vin op zaot, bewoog heer ziech door 't water. Individu Carlo waor 13 meter laank; de modaole Mosasaurus evels eine meter korter.

Vootnote[bewirk | brontekst bewerken]

  1. Dagblad De Limburger - Opniew mosasaurus gevonden bij ENCI
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Mosasaurus&oldid=343960"