Moeamed

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Moeamed ziene naam in kalligrafie.

Moeamed of Mohammed (in 't Limbörgs mitte klemtoean oppen ieëste littergreep; Arabisch: محمد (gansen Arabische naam: Moehammad ibn 'Abd Allah ibn 'Abd al-Moettalib ibn Hasjim ibn 'Abd Manaf al-Koeraisji); Mekka, zoeaget 570 - Medina, 8 juni 632) wuuertj door völgelinge vannen islam en 't bahaigeluif betrach es de profeet en boeadsjapper van God (Allah). Volges moslims is t'r de vóltoeajer van 't monotheïstisch geluif det volges d'n islam is begós mit Adam en daonao woort geherintroduceerdj door Noach (Nuh), Abraham (Ibrahim), Mozes (Musa), Jezus (Isa) enne euverige profete. Moeamed waas ouch aktief es staotsman, socialen hervormer, koupman, filosoof, reedner, lieërer, wètgaever, militaire leier en filantroeap. Innen islam wuuertj t'r es de litste profeet en boeadsjapper gezeen dae de oetènjelike aopenbaring van God (Arabisch: الله, Allah), de Koran, haet óntvange. Door moslims wuuertj t'r daoveur aangeduudj es de Zegel vanne Profete.

Väöl moslims zègken op gróndj van Ahadith döks nao 't huuere vanne naam Moeamed sallallahu alaihi wa sallam ("zaegeningen en vraej mit 'm" of "vraej zie mit 'm"), in gesjreve teks döks aafgekórt toet s(a)ws of (z)v(z)mh.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Moeamed&oldid=447754"