Mets

Van Wikipedia

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.


E bótrammets.

E mets is e sjerp stök gereidsjap veur mit te snieje. De gangbaarste vorm is e rech lemmet mit eine sjerpe kantj e handjvaat. Inne gesjiechte vanne miens speeltj 't mets 'n wichtige rol; hiemit wore miense in staot zich taenge de grótter roufdere te besjurme en woorte väöl bewirkinge van huuj, deerkarkasse en houtere veurwirpe meugelik. Tródsdet de metser van doe van stein wore en eigentlik neet mièr es splintjere mit 'ne sjerpe randj, is 't in princiep ummer 'tzelfdje gebleve: 'n wig die 'n objèk in twièje splietj. Metser kónne ouch zeen ingeboedj es roterendje sjieve wie in sniejboanmeules, blenders of anger keukemesjiender.

Mit e mets wuèrtj dökker ouch verweze nao specifiek e sniejblaad.

Rónjelóm 250.000 v.Chr. woorte de ieëste metser gemaak dore Neanderthalers. Dit woort gerealiseerdj door häör zoea-geneumdje levalloistechniek.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Mets&oldid=378982"