Media op Cyprus

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


De Media op Cyprus hilt ziech bezeg mèt de tillevisie, radio, gezètdrök en internet vaan de Cypriotische Rippebliek in 't algemein, meh in praktiek is neet oonlogisch um ziech ouch bezeg te hawwe mèt de media vaan de neet erkinde Törkse Rippebliek vaan Noord Cyprus. Op dit momint heet de (Zuid-)Cypriotische media vaan de EU de A-rang gekrege, op 't gebeed wie corrup de media is. De A-rang is de ein nao hoegste titel die e land kin kriege en steit veur zier vrij. Allein AA, de rang die oonder aandere Nederland en Belsj heet, is hoeger en steit veur volleijeg vrij. Ein vaan de weinege kritiekpönte die Brussel op de Cypriotische media heet is de meneer wie ze verslage make vaan gebäörtenisse in 't noorde vaan 't eiland.

Tillevisie[bewirk | brontekst bewerken]

De nationaole kenare valle oonder de CBC ofdewel de Cypriotic Broadcast, dat oets de Cypriotische vleugel waor vaan de BBC (British Broadcast), wie Cyprus nog 'n kroenkelonie waor vaan 't Vereineg Keuninkriek. Väöl Cypriote loere ouch nao de ERT, de nationaole kenare vaan Griekeland. De Media in Griekeland es hendeg populair op 't eilaand, neet allein vaanoet polletiek ougpönt, meh ouch sumpelweeg vaanoet 't feit tot ze 'ne gedeilde spraok höbbe (Nuigrieks). Noord-Cyprus heet meh eine nationaole kenaar, naomelek Kibris TV. Ouch hei gief 't väöl kiekers veur de BBC en natuurlek de Media in Törkije. Ouch hei obbenuits 'tzelfde verhaol: zoewel vaanoet polletiek es oet taolköndeg ougpönt gans en al logisch. Zjus wie in de res vaan de EU zien Amerikaanse series populair en, zoewie ierder gezach, Britse. Ouch de Portegese soaps doen 't good. Zjus wie in de res vaan de Unie motte de nationaole kenare ziech hawwe aon viefteg persent vaan de films die weure oetgezonde oet de Unie motte komme en daovaan meh 'n kwaart Cypriotisch. Väöl minder es aander len zuut me hei versjeiende filmlen langskomme. De Cinema vaan Griekeland, meh veural de Cinema vaan 't Vereineg Keuninkriek doen 't good. De Cinema vaan Cyprus kump zoe good es neet aon bot op de CBC. Dit veural umtot Cyprus ein vaan de kleinste Europese cinema's heet, en op de Maltese nao (die d'r sumpelweeg geine heet), de kleinste vaan de EU.

=Regzjionaole kenare[bewirk | brontekst bewerken]

De groete plaotse op 't eilaand höbbe 'nen eige kenaar. De steij boe dat 't geval is, zien:

  • Nicosia, 309.500 inwoeners (gedeiltelek Noord-Cypriotisch, gedeiltelek Zuid-Cypriotisch)
  • Lemesos, 150.000 inwoeners (Zuid-Cypriotisch)
  • Larnaka, 72.000 inwoeners (Zuid-Cypriotisch)
  • Pafos, 60.000 inwoeners (Zuid-Cypriotisch)

Radio[bewirk | brontekst bewerken]

Zjus wie in de res vaan de EU is radio laank nimmie zoe poppelair op Cyprus wie 't oets waor. In tegendeil bis Griekeland (dewijl de len in media väöl op mekaar lieke) hove de neet-commerciële kenare neet per se ummertouw nationaole meziek te dreie, mèt es rizzeltaot tot 't ouch meuilek is Meziek vaan Cyprus te hure op de radio, sömpelweeg umtot 't neet väöl Cypriotische meziek guuf. De Ingelstaolege meziek is, zoewie euveral, hendeg poppelair (ouch oonder Cypriotische artieste, euvereges) en daoneve gief 't väöl Meziek vaan Griekeland en Meziek vaan Törkije, natuurlek aofhaankelek vaan boe me ziech bevind op 't eilaand.

Internet[bewirk | brontekst bewerken]

De domeinnaom vaan Cypriotische websites is euver 't algemein .cy.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Media_op_Cyprus&oldid=352405"