Media in Griekeland

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


De Media in Griekeland hilt ziech bezeg mèt de tillevisie, radio, gezètdrök en internet vaan de Helleense Rippebliek. Op dit momint heet de Griekse media vaan de EU de A-rang gekrege, op 't gebeed wie corrup de media is. De A-rang is de ein nao hoegste titel die e land kin kriege en steit veur zier vrij. Allein AA, de rang die oonder aandere Nederland en Belsj heet, is hoeger en steit veur volleijeg vrij.

Tillevisie[bewirk | brontekst bewerken]

Griekeland heet, zjus wie eder aander Europees land, hendeg väöl commerciële zenders. Daoneve gief 't ouch staotstillevisie in Griekeland, naomelek de ERT. Die steit veur Elliniki Radiofonia Tileorassi (Limbörgs: Griekse Radio Tillevisie). De ERT heet mierdere categoriën die bepaolde aore kriege op hun drei zenders, zoe-es ammusemènt, polletiek, ikkonomie en kinderpergramma's. Ederein maag ideeje opsjikke nao de studio, boenao edere veer jaor 't volk maag keze door 't zeen vaan pilots (proefaofleveringe) op TV wee 'n bepaolde tied per week maag oetzende. Pergramma's die noets vaan de ERT aof gestump kinne weure zien ERT Efimerida (ERT Journaal), ERT Athlitismou (ERT Sport), ERT Oikonomia (ERT Ikkonomie) en Máti tou méllontos (Oug op de touwkoms, opiniepergramma die deper op 't nuijts in geit). Zjus wie in alle aandere lidstaote vaan de EU mot de staotstillevisie vaan Griekeland ziech hawee aon de 50% norm vaan Europese films. Dit meint dus tot de haaf vaan de films die weure oetgezoonde oet de EU motte kaome, boevaan daan weer minimaol ein kwaart vaan de films neet oet Griekeland maag kaome. Heijin zien veural Duitse, Franse en Italiaonse films populair. Daoneve zien Portugese soaps hendeg populair in Griekeland. Weijer weure d'r väöl Amerikaanse en Zuid-Cypriotische pergramma's oet gezoonde op de Griekse TV. 't Populairste boetelandse TV-kenaar in Griekeland is MTV, 'ne jóngerekenaar oet de VS.

Radio[bewirk | brontekst bewerken]

Radio is, zjus wie in de res vaan Europa, väöl minder populair in Griekeland es dat 't oets waor. 't Gief in Griekeland neet regels op 't dreije vaan meziek binne de commerciële radiokenare, zoewie dat in Fraankriek 't geval is. Wel gief 't gein boetelandse meziek op de staotszenders. Op de radio heet ERT neet drei kenare, mer 8. De ierste drei zien veural op de maotschappij geriech, dewijl de aander kinne weure verdeild in meziekgenres.

Gezètte[bewirk | brontekst bewerken]

De Griekse gezètte kin me qua verdeiling vergelieke mèt de situatie in Nederland. De populairste gezèt is de Ta Nea, 'n rechts-conservatieve gezèt die me kin vergelieke mèt de Nederlandse Telegraaf. De Kathimerini is de ein-nao populairste gezèt, is links op polletiek gebeed en kin me mèt de Volkskrant vergelieke. 't Daagblaad vaan Athene en dat vaan Thessaloniki zien in de regio's populair; Athene in Centraol-Griekeland en Attika, Thessaloniki in Wes-Macedonië, Centraol-Macedonië, Oos-Macedonië en Thracië.

Internet[bewirk | brontekst bewerken]

Volges Eurostat höbbe 60% vaan alle Grieke internet tougaank. Dat lègk oonder 't Europees gemiddelde vaan zoen 73%. De domeinnaom vaan Griekse websites is .gr.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Media_in_Griekeland&oldid=343481"