McDonald's

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


McDonald's Corporation (NYSE: MCD) is 'ne Amerikaanse multinational en de groetste kete vaan fastfoodrestaurants op de wereld.

McDonalds Golden Arches, USA

't Begin[bewirk | brontekst bewerken]

't Ierste McDonald's-restaurant woort geopend in 1940 in San Bernardino (Californië) door de breurs Dick en Mac McDonald, zäöns vaan Ierse immigrante. 't McDonald's-restaurant woort bekinder nao 1948, wie de breurs hun innovatief "Speedee Service System" oontwikkelde, e 'loupende band'-productiesysteem veur hamburgers, zoonder bedening aon taofel. 'ne Handelsreiziger en verkouper vaan milkshakemachines Ray Kroc kaom mèt 't idee mie zaken te opene. Heioet is 't McDonald's-concern oontstande. De formule kwaliteit, service & zuverheid die me toen bedach, weurt vendaog d'n daag nog ummer gehanteerd in alle restaurants wereldwied. 't Ierste McDonald's-restaurant in Europa woort geopend in Zaandam (gemeinte Zaanstad, Noord-Holland) in 1971. 't Bedrief waor in deen tied 'ne partner vaan Albert Heijn. Later woort de franchiselicentie euvergenome door Jan Sybesma.

Allewijl[bewirk | brontekst bewerken]

Allewijl heet McDonald's vesteginge in 120 len. 13.000 restaurants verkoupe hamburgers en aander produkte aon 47 miljoen lui per daag. In Nederland gief 't op dit momint 219 restaurants boevaan 'rs 131 McDrives zien of höbbe.

't Gief väöl versjèlle in de len es 't höbs euver de McDonald's. Zoe kin me in Duitsland beer kriege, dewijl dit in Nederland neet zoe is. In Nederland kint me daan weer wel de McKroket (McKrokèt) kriege, die in gein aander land te bestèlle is. Ouch weurt in bepaolde Arabische len rekening gehawwe mèt d'n Islam, boevaan de aonhengers allein mer halal mage ete.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=McDonald%27s&oldid=354015"