Mariet Verbong

Dit artikel is gesjreve (of begós) in 't Tegels. Laes hie wie v'r mit de versjillende saorte Limburgs ómgaon.

---

Mariet Verbong, gebaore in Tegele in 1939 en gesjtorve in Sjteil op 20 november 2006 is 'n Nederlandse sjriefster. In 1987 versjient eur debuut, 'nen bundel mèt verhaole: Vandaag winnen we. Mariet Verbong waar in 't dageliks laeve óngerwiezeres. Zeej zoot in de kernredactie van Doorkijk, 't liefblad van 't Katholiek Vrouwegilde Nederland en waar lid van 't team van Laeze en sjrieve, 'n literair radioprogramma van de sjtadsömroop Venlo. Ouch waar ze besjteurslid van Literair café in Helde. De filmer Ben Verbong is euren broor, filmer Pieter Kuijpers is eure zoon, danseres Josien Kuijpers eur jongste dochter, en Remungse Kingermiddig regisseuze Lyan de Vreese eur aadste dochter. Zeej waar Hub Kuijpers zien vrouw.

Thema's in eur verhaole zien 't dörp Tegele en (geveulens) bie diverse krenkdes, die zeej deils zelf haet doorgemak.

Bibliografie

• 1987 Verhaolebundel Vandaag winnen we
• 1992 Die Jungfrau, novelle
• Sjefke, 'n kingerbook
• Onze juf verzamelt stenen, kingerbook
• 2001 Nonna, roman euver de zuustersj van Sjteil
• 2004 Gouden ovalen, deils autobiografische roman