Margaretha Maria Alacoque

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Margaretha Maria Alacoque ies 'n Franse heilige. Ze ies gebore in Lauthecour op 22 juli 1647 en gesjtorve in Paray-le-Monial op 16 oktober 1690. Dees Franse zuuster trooj op 23 jaorige laeftied in 't kloaster van de Orde van Maria Visitatie in Paray-le-Monial. Doordat in herhaolde visioene Christus aan häör versjeen woort ze 'n vurig propagandiste van de Heilig-Hartdevotie, die door häöre inzat ouch binne de liturgie van de Katholieke kèrk 'n plaats kreeg. 't Fiès van 't Heilig Hart weurt gevierd op de vriedig nao de twiède zóndig nao Pinkstere.

In häör geistelik leve woort Margaretha Maria Alacoque geleid door de jezuïete Claude de la Colombière en Jean Croiset. In 1920 ies ze heilig verklaord. Saer dan ies Paray-le-Monial 'n baevaartsoord. Häöre fièsdaag vèlt op 17 oktober.

Commons
In de categorie Marguerite Marie Alacoque van Wikimedia Commons zeen media gerelateerd aan dit óngerwerp te vènje