Lyride

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


De Lyride is 'ne meteorezwerm dee eder jaor te zien is vaan 16 tot 26 aprèl. 't Huugdepunt vaan 10-15 meteore per oor vèlt miestal in de nach vaan 21 op 22 aprèl. In sommege jaore is 't aontal meteore evels väöl hoeger, wie in 1982 toen 'rs wel 90 per oor woorte getèld. In 1803 waor de störm nog heveger.[1] De naom kump vaan 't feit tot de radiant (dao boe de meteore vaandan lieke te koume) 't starebeeld Lier (Lyra) is. De bron vaan de zwerm zien de stöbdeilkes die achtergelaote weure door de komeet C/1861 G1 (Thatcher).

Deze zwerm weurt al 2600 jaor woergenome. Heer woort al in de 5e iew veur Christus besjreve in 't commentaar van Menier Zuo op de Lente- en Herfstannale, de hofkroniek vaan de Chinese staat Lu.

Referenties[bewirk | brontekst bewerken]

  1. http://www.spaceweather.com/meteors/lyrids/lyrids.html
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Lyride&oldid=342627"