Luc Van den Brande

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Luc Van den Brande , Mechele 15 oktober 1945, is 'ne politicus en lid van de Vlamsje CD&V (Christendemocrate). E hèngt 't confederaal model aa en sjtraeft de zelfsjtandèghèèd va Vlaandere nao. Va 1992 bies 1999 waor e Minister-Presidaent van de Vlamsje Regering en oonder zieng leiding waoërt d'r Róndsjtuurbreef-Peeters ingeveurd, dae dör waarneumers van d'r Raod van Europa discriminerend vör de Franstalège in Voere geneumd wert.

Van den Brande is, naeëve lid van de CD&V-fractie in 't Vlamsj parlemaent, lid van d'r Raod van Europa en koom in 2005 in 't nuujs ömdat-e taege ziene laandgenoot, d'r Open VLD-er Marc Verwilghen sjtèmde, dae kandidaat waor vör Commissaris vör de rechte van d'r miensj. Och goof-e leiding an de delegatie waarneumers, die sjerpe kritiek howwe op de verkiezinge in Rösland op 3 december 2007.

Op 5 februari 2008 wert Van den Brande beneumd es väörzitter van Europa van de Regio`s

Vanden Brande sjtèlt zich eind februari 2009 kandidaat es väörzitter van d'r Raod van Europa[1] en dat terwiel e èges jaorelaank de resoluties m.b.t. Voere van dit Europees miensjerechteorgaan óp 't Belsj geminacht haat. D'r is 'n internetpetitie[2] gelanceerd die zich taege die beneuming verzèt.

Referentie[bewirk | brontekst bewerken]

  1. Vanden Brande väörzitter Raod van Europa?
  2. Internetpetitie taege beneuming Van den Brande es väörzitter van d'r Raod van Europa
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Luc_Van_den_Brande&oldid=349501"