Louis Michel

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Louis Michel (2007)

Louis H.O.Ch. Michel (Tiene, 2 september 1947) is 'ne Welzje liberale politicus.

Michel huurt bie de de liberaal partiej Mouvement Réformateur (MR). Bie de lètste federaal verkiezinge waoërd Louis Michel mèt 232.328 sjtèmme verkaoze in d'r Senaat. Daomèt behaolde Michel, es senator, de mètste sjtèmme in Franstalèg Belsj.

Michel haat 'n licentiaat in de Germaanse tale en is 'ne twietalige politicus (Frans en Nederlands). Tösje 1977 en 1982 waor e sjaeëpe en vanaaf 1983 is e zonder onderbraeëking burgemeester van 't Waals-Brabantse Geldenaken (Jodoigne in 't Frans).

Ooch waor-e van 1982 bies 1990 en van 1995 bies 1999 väörzitter van de Franstalige liberale partiej de Parti Réformateur Libéral (PRL) die in 2002 opgong in de MR.

Van 1999 bies juli 2004 waor-e Belsj minister va Boetenlandse Zake, bevoegd väör institutionele hervorminge en vicepremier in de regering Guy Verhofstadt.

Nao de nederlaag van de liberale tiedens de verkiezinge van 13 juni 2004 waor 'n federaal regeringshersjikking onvermijdelijk.

Op 12 augustus 2004 wert Louis Michel genomineerd es Europees Commissaris van Ontwikkeling en Internationale Hulp in de nuuj Europese Commissie en goof-e daoröm z'n ministersjap op. Op 18 november wert-e beneumd es commissaris.


Louis Michel is d'r vader va MR-politicus Charles Michel.

Externe links[bewirk | brontekst bewerken]

Commons
In de categorie Louis Michel van Wikimedia Commons zeen media gerelateerd aan dit óngerwerp te vènje

Bron[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Louis_Michel&oldid=349498"