Look zónder look

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Look zónder look in bleuj

Look-zónder-look, Alliaria petiolata, ies 'n plant in 't wild, oet de Kruusblome-familie. In Nederland en Belsj kump ze algemein veur in bösj, haol waeg, in hègke en langs beke.

Ze huèrt néét bie de looksoorte van 't gesjlach look of Allium, want ze haet gein un (look) in de grónd. Waal ruuk ze bie vrieving enigszins nao knoflook. Ouch 't zaod en de wortel geve deze reuk.

Kènmerke[bewirk | brontekst bewerken]

De plant ies ein- of twièjaorig. Aan de inkele sjtengel ziette aan de voot gesjteelde blaar en miè nao bove hartvormige, onreigelmaotig getande blaedsjes. Ze weurt 20 - 70 cm hoag. De klein wiette bleumkes höbbe 4 kroanblaar, die twiè kièr zoa lank zin es de kelkblaar. De vröchte (hauwe) zint lank. Look zonder look bleujt van april tot juni.

Toepassing[bewirk | brontekst bewerken]

Es keukekroed weurt de plant sóms waal toegepas, meh ze zou ouch helpe es mieddel tege astma en bronchitis. Me moet dan twiè theelepele gedruègde blaar 5 oer laote weike en daonao 10 minute laote trèkke in kokend water.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Look_zónder_look&oldid=341111"