Loenen (gemeinte)
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Loenen is 'n geweze gemeinte in de Nederlandse provincie Utrei, mèt 'n oppervlak vaan 27,32 km2 (daovaan 8,70 km2 water) en 'n inwoeneraontal vaan 8.475 op 1 januari 2010. De gemeinte had es hoofplaots Loenen aan de Vecht; aander kerne zien Loenersloot, Nieuwersluis, Nigtevecht en Vreeland. Loenen waor 'n rustieke gemeinte aon de Utreise Vecht, woe väöl rieke lui woene. In officieel gebruuk waor Loenen de gemeintenaom en Loenen aan de Vecht d'n dörpsnaom; in de volksmoond hèt 't dörp sumpel-eweg Loenen.
Loenen ('t dörp) weurt in 953 veur 't iers geneump es Lona, wat begrepe moot weure es "in 't loo (leechriek, druug bos)". In 1964 woorte de gemeintes Loenersloot en Vreeland aon Loenen touwgeveug, in 1989 ouch Nigtevecht. Op 1 jannewarie 2010 góng de gemeinte op in Stichtse Vecht.
