Limburg mijn Vaderland

Van Wikipedia
Gank nao: navigatie, zeuke
Melodie van 't Limburgs volksleed

Limburg, mijn Vaderland is 't Limburgs volksleed. 't Weurt gezeen es volksleed van zoewaal Holles es Belsj Limburg. De teks van 't leed is gesjreve door Gerard Krekelberg (Itter, 1864-1937) in 1909. De melodie is gecomponeerd door Hendrik Thijssen (1862-1926) oet Remung.

Ter gelegenheid van 't 100-jaorig besjtoon van diet volksleed versjient in 2009 'n book euver dit leed mèt biedrages van Wim Kuipers, Govert Derix, Jempi Welkenhuijzen en Guus Urlings. De illustraties zint geteikend door Guus van Eck. Op de biegevoogde cd sjtoon 10 oetveuringe van ‘Limburg, mijn vaderland’ oetgeveurd door diverse Limburgse artieste.

Nederlandse teks[bewirk | brontekst bewerken]

(In Belsj zungk mer inkel de ieste drei strofe[1].)

Waar in 't bronsgroen eikenhout, 't nachtegaaltje zingt;
Over 't malsche korenveld 't lied des leeuwriks klinkt;
Waar de hoorn des herders schalt langs der beekjes boord:
Daar is mijn Vaderland, Limburgs dierbaar oord!
Daar is mijn Vaderland, Limburgs dierbaar oord!


Waar de breede stroom der Maas, statig zeewaarts vloeit;
Weeldrig sappig veldgewas kostelijk groeit en bloeit;
Bloemengaard en beemd en bosch, overheerlijk gloort:
Daar is mijn Vaderland, Limburgs dierbaar oord!
Daar is mijn Vaderland, Limburgs dierbaar oord!


Waar der vaad'ren schoone taal klinkt met held're kracht;
Waar men kloek en fier van aard vreemde praal veracht;
Eigen zeden, eigen schoon, 't hart des volks bekoort:
Daar is mijn Vaderland, Limburgs dierbaar oord!
Daar is mijn Vaderland, Limburgs dierbaar oord!


Waar aan 't oud Oranjehuis, 't volk blijft hou en trouw;
Met ons roemrijk Nederland, één in vreugd en rouw;
Trouw aan plicht en trouw aan God, heerscht van Zuid tot Noord:
Daar is mijn Vaderland, Limburgs dierbaar oord!
Daar is mijn Vaderland, Limburgs dierbaar oord!

Vertalinge in 't Limburgs dialek[bewirk | brontekst bewerken]

Dao zin versjillende vertalinge van 't volksleed in 't Limburgs, ó.a. door Piet Zeegers oet Posterholt en Els Diederen oet Valkeberg

Limburgs volksleed in 't Valkebergs en umsjtreke[bewirk | brontekst bewerken]

1996, (e paar weurd veranderd in 2007), dialekteks: Els Diederen: Valkebergs (in 't dialek van Valkeberg, Brokem, Houtem, Geulem, Sjin op Geul Sjtröch,Walem, Berg, Terbliet, Sub, Vilt), Hölsberg, Gelaen, Baek, Haasdal en Sjömmert. De premiere-uitvoering waor in okt. 1996 in: Chateau Sint-Gerlach in Houtem, Valkeberg aan de Geul t.g.v. de presentatie van 'De wandelgids door het Geuldal' van de Valkenburgse Alpenvrung (V.A.V.) gezónge door: gemengde zangvereiniging Orphée uit Houtem-Sint-Gerlach, in een 4 sjtummige bewèrking van Piet Bours, dirigent van Orphée.

Limburgs volksleed

Woa in buim en berg en bösj
't winterkeuningske zingk
baove'n goudgael kaoreveld
't lièwerikske klink
d'hermenie en de famfaar
langs de baek ziene rand
Dao ies mien vaderland, Limburg naovenant( 2x)


Geul en Maas häör water sjtruimp
kruus, café en hoes
veld en hei en baende zuimp
luuj die laeve thoes
klink de taal sjuus wie ein leed ièwelank eine band
Dao ies mien vaderland, Limburg naovenant(2x)

Limburgs volksleed in 't Venloos[bewirk | brontekst bewerken]

De teks van Els Diederen is in 't Venloos aangepas door Frens Bakker (Germanis) oet Venlo in 1999. (redaktiesecretaris van Veldeke-Limburg)


Wao in buim en berg en bös
't winterkeun'ngske zingk
baove n 't riepe kaoreveld
't lieëwerikske klink
d'hermenie en de fanfaar
langs de baek eure rand
Dao is mien vaderland Limburg naovenant.(2x)


Geul en Maas eur water struimp
kruus, café en hoes
veld en hei en baend schoën zuimp
minse laeve thoes
klink de taal geliek ein leed
ieëwelang einen band
Dao is mien vaderland Limburg naovenant.(2x)

Limburgs Volksleed in 't Blieriks[bewirk | brontekst bewerken]

De teks van Els Diederen is in 't Blieriks (Houblierik (Hout-Blerick) & D'n Bokent (Boekend) aangepas door Frens Bakker (1999) oet Blerick,

Woeë in buim en berg en bös
'twingterkeun'ngske zingk
baoven't riepe kaoreveld
'tlieëwerikske klink
d'hermenie en de famfaar
langs de baek eure rank
Dao is mien vaderlank Limburg naovenant (2x)


Geul en Maas eur water struimp
kruus, café en hoes
veld en hei en baeng schoeën zuimp
minse laeve thoes
klink de taal geliek ein leed
ieëwelang einen bank
Dao is mien vaderlank Limburg naovenant.(2x

Limburgs volksleed in 't Wieërts[bewirk | brontekst bewerken]

De teks van Els Diederen is in ‘t Wieërts aangepas door Ruud Beerens (Neerlandicus) oet Wieërt (2003)

Woeë in buim en berg en bos
’t Wîntjerkuuëningske zingtj
Boeëven ‘t riêpe koeërevêldj
’t Lieëwerikske klînktj
De harmeni-j en de fanfaar
Langs de bieëk eure rând
Dao és mien vaâderlând, Limburg naovenânt (2x)


Geul en Maas eur water stroumtj
Kruuës, café en hoês
Vêldj en hei en bieëmdje zuimtj
Minse laeve thoês
Klînktj de taal zjuust wi-j 'n leêd
Ieëwelang eine bând
Dao és mien vaâderlând, Limburg naovenânt (2x)

Limburgs volksleed in 't Nuts, Wieënesraoës[bewirk | brontekst bewerken]

Teks in ’t Zjwiers, Wienesraoës, Nuts door Els Diederen (2003).

Woeë in buim en berg en bösj
’t winterkuuën'kske zingt
baoëven 't goudgeël kaoërevel
d ’t liëwerikske klink
d’hermenie en de fanfaar
langs de beëk ziëne rand
Daoë is mieë vaderland, Limburg naoëvenant (2x)


Geul en Maas häör water sjtruimp
kruts, café en hoeës
veld en hei en baeënde zuimp
luuj die laëve thoes
klink de taal sjus wie e leeëd
ieëwelank 'ne band
Daoë is mieë vaderland, Limburg naoëvenant (2x)

Limburgs volksleed in 't Mestreechs[bewirk | brontekst bewerken]

De teks van Els Diederen is in 't Mestreechs aangepas door Patrick Ahles oet Mestreech, bureaucraat op de Limburgse wikipedia (2008).

Boe in buim en berg en bos
't winterkeuningske zingk
bove 'n goudgeel koreveld
't liewerikske klink
d'hermenie en de famfaar
langs de beek ziene rand
Dao is mien vaajerland, Limburg naovenant(2x)

Gäöl en Maos häör water struimp
kruus, kaffee en hoes
veld en hei en weie zuimp
lui die leve thoes
klink de taol zjus wie 'n leed iewelaank 'ne band
Dao is mien vaajerland, Limburg naovenant(2x)

Limburgs volksleed in 't Posters[bewirk | brontekst bewerken]

teks: Piet Zeegers oet Posterholt

In 't bronsgroen eikehout
nachtegaal dae zungt
Euver 't groête koreveld
Leeuwerik zie léédje brinkt
Woe de herdershoren klinkt
Langs beekskes door


Limburg mie vaderland
Doa is woe iech woên
Limburg mie vaderland
Jao dao is 't sjoên

Kiek de Maas en ouch de Roer
Struime daag en nach
Aaf en toëw tréje ze oet
Dat is häör stille krach
Eendjes zwumme op en aaf
snaterend in koer

Limburgs volksleed in 't Mofers[bewirk | brontekst bewerken]

Teks: Eddy Zeelen oet Mofert.

Wo in 't brónsgreun eikehout
't nachtegaelke zingk.
Op 't gelpe kaoreveldj
't lieëwerikske klink.
Wo de sjieëpershaore sjaltj
langs 't Vlaoter sjaor.
Dao is mie vaderlandj, Limburgs deerbaar aord
Dao is mie vaderlandj, Limburgs deerbaar aord.


Wo de stroum van Roer en Maas
staats nao zieë haer vleujtj.
Waeljrig zómmig veldjgewas
köstelik greujtj en bleujtj.
Blomegaard en baantj en bós,
euverhieërlik straoltj.
Dao is mie vaderlandj, Limburgs plattelandj
Dao is mie vaderlandj, Limburgs heuvellandj.


Wo det Limburgs, sjoeanste taal
klink mit klaore krach.
Wo me gruuets en fier van aard
vraemdje praal verach.
Eige norme, eige sjoean,
d'luuj häör hert vervöltj.
Dao is mie vaderlandj, Limburgs berg en dal
Dao is mie vaderlandj, Limburg baovenal.


Wo aan 't aad gemèndjenhoes,
't volk blief ummer troew.
Mit oos roomriek heuvellandj,
ein in vruid en rouw.
Troew aan plich en troew aan God,
heers van Zuud toet Noord.
Dao is mie vaderlandj, Limburg deerbaar aord
Dao is mie vaderlandj, van Buul toet de Zelfkantj!

Zuug ouch[bewirk | brontekst bewerken]

Wikibrónne
Wikibrónne haet ouch 'n pazjena mit sjtäölkes en brónne euver Limburg mijn Vaderland.
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Limburg_mijn_Vaderland&oldid=337338"