Lemsterland

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Lemsterland
Gewaeze gemeinte in Nederlandj

Veendel vaan Lemsterland

Waope vaan Lemsterland

Ligking vaan Lemsterland in de provincie Friesland (situatie 2009).

Gevörmp
Opgehaeve 2014
Opgegange in De Friese Meren
Provincie Friesland
Hoofplaats Lemmer
Opperflaakde (bie opluffing) 124,34 km²
– daovan water: 48,41 km²
Inwoeners (kort veur opluffing) 13.561 (1-8-2013)
deechde: 179/km²
Lies van börgemeisters

Lemsterland (Fries Lemsterlân, Stellingwerfs Lemsterlaand) is 'n geweze gemeinte in de Nederlandse provincie Friesland, in de Zuidhook, aon 't IJsselmeer, mèt 'n oppervlak vaan 124,34 km2 (daovaan 48,41 km2 water) en per 1 januari 2007 13.437 inwoeners. De gemeinte umvatde de kerne Bantega (Bantegea, Bantege), Delfstrahuizen (Dolsterhuzen, Delfstrehuzen), Echten (Ychten, Echten), Echtenerbrug (Ychtenbrêge, Echtenerbrogge), Eesterga/Follega (Jistergea, Follegea; Eesterge, Follege), Lemmer (De Lemmer; hoofplaots) en Oosterzee (Eastersee).

Taol[bewirk | brontekst bewerken]

De Nederlandse naom zien officieel; tösse häökskes stoon nao-ein de Friese en Stellingwerfse naome. 't Boetegebeed vaan Lemsterland waor naomelek vaanaajds Stellingwerfstaoleg, umtot 't door Giethoorners verveend woort en umtot 't tege de Stellingwerve aonligk. Vaandaog d'n daag is 't gebied bekaans gans Friestaoleg, mèt zeker in Lemmer (mèt mier es 10.000 inwoeners wiedoet de groetste plaots in de gemeinte) väöl Nederlandstaolege. De Lemsters spreke um perceis te zien 't Zuidweshooks dialek vaan 't Fries.

Monuminte[bewirk | brontekst bewerken]

Bij Lemmer steit 't Ir. Woudagemaal, wat op de Werelderfgoodlies vaan de UNESCO is opgenómme. Dit stoomgemaal deit bij oetzunderlek hoeg water nog ummer deens. In totaol kint de gemeinte 43 rieksmonuminte.[1]

Waope[bewirk | brontekst bewerken]

Op 25 miert 1818 woort Lemsterland door d'n Hoege Raod vaan Adel bevesteg in 't gebruuk vaan 't volgend waope:

Vaan zèlver (wit) belaoje mèt 'nen erm vaan keel (roed) koumend vaan de rechterkant vaan 't sjèld (veur de beziener links), dragend op zien hand 'ne wereldkloet vaan goud. 't Sjèld gedèk mèt 'n kroen vaan goud.

Neet besjreve is tot de haand vaan natuurleke kleur is, tot de wereldkloet 'ne rieksappel is en tot de kroen drei blaajer en 2x3 perele heet.[2]

Economie[bewirk | brontekst bewerken]

Bestoonsmiddele in Lemsterland zien veural de landbouw en 't toerisme (watersport).

Historie[bewirk | brontekst bewerken]

Es ein vaan de 30 grietenije besteit Lemsterland al vaanajds es bestuurseinheid; wel woort 't in 1984 oetgebreid mèt deile vaan de toen opgelufde gemeinte Haskerland. Op 1 jannewarie 2014 is Lemsterland, same mèt Gaasterland-Sloten (Gaasterlân-Sleat) en Scharsterland (Skarsterlân), opgegaange in de nui gevörmde gemeinte De Friese Meren.

Rifferenties[bewirk | brontekst bewerken]

  1. Rijksdienst voor het cultureel erfgoed - Monumentenregister - Lemsterland
  2. Heraldrywiki - Lemsterland

Extern links[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Lemsterland&oldid=352177"