Kronsjtadt

Van Wikipedia
Gank nao: navigatie, zeuke

Dit artikel is gesjreve in 't Oeals. 't Weurt gewaardeerd óm in dit artikel 't Oeals aan te hauwe of aan te gaeve welk anger dialek gebroek is.


Waope van Kronsjtadt

Kronsjtadt (Кронштадт; Nederlands: Kroonstad; Duits: Kronstadt) is ein versterkdje Russische havesjtad op 't eilandj Kotlin in'ne Finse Golf. De sjtad ligktj ongeveer 30 kilomaeter ten weste van Sint-Petersburg. 't eilandj Kotlin is via damme verbonje mit Sint Petersburg. Mit häör 42.800 inwoners (Sjtandj 2006) vormtj 't ein sjtadsdeil van Sint Petersburg.

Gesjiedenis[bewirk | brontekst bewerken]

Marine-kathedraal Kronsjtadt mit eeuwige vlam op'pe veurgrondj

Tsaar Peter I sjtichdje de sjtad in 1703 es Marinehave in'ne Ooszee. Kronsjtadt verdeidigdje de toeugank nao de hoofsjtad van'ne Ooszee aaf. 't Eilandj waerdje aan'ne noord Wes, en zuidkantj mit batterieje kanonne en versterkinge beboewdj

In 1803 sjtardje vanoet Kronsjtadt de eerste Russische zeiltoch om'me waereld door kapitein Adam Johann von Krusenstern.

Bekindj gewore is de sjtad ouch door matroze opsjtenj in 1905/1906 taege de toesjtenj in'ne tsarische marine.

In Augustus 1919 vele Britse mototorpedobeut de marine aan en daobie zonke meerdere oorlogssjepe.

De ontevrejeheid onger de boere en de industriearbeiders in'ne Sovjet-Unie uudje zich in 1920 en 1921 in ein reeks van boere-opsjtenj, die bekindj waerdje es de Kronsjtadtopsjtandj. Begin meert 1921 brook in Kronjstadt, de marinehave van toenmalig Petrograd, eine opsjtandj oet onger de matroze van'ne Rooj Vloot. Ziej eisdje ein constituerendje (grondjwetgaevendje) vergadering en vrieje hanjel. Kronsjtadt waas ein van'ne oorsjpronkelikke machsbases van'ne bolsjewieke. Zelfs de troew matroze van'ne oorlogsvloot keerdje zich noe taege häör. De matroze-opsjtandj leidje later toet de Nuuje Economische Politiek (1921) onger Lenin.

Trivia[bewirk | brontekst bewerken]

De Duitse naam Kronstadt is in 't Duits ouch de naam veur de Roemeense sjtad Braşov.

Bronne[bewirk | brontekst bewerken]

De basis veur dit artikel ligktj in'ne artikele op'pe Duitse en Hollandse Wikipedia.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Kronsjtadt&oldid=341170"