Kabinet-Balkenende II

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


't Kabinet-Balkenende II waor e kabinet vaan Nederland vaan 27 mei 2003 tot 7 juli 2006. 't Kabinet waor gebaseerd op 'n coalitie vaan CDA, VVD en D'66, die same 78 (44+28+6) zetele had. 't Kabinet traod aon op 27 mei 2003, es gevolg vaan de door de val vaan 't Kabinet-Balkenende I vervreugde verkezinge op 22 januari datzelfde jaor. De formatie doorde 125 daog en is daomèt ein vaan de langste oet de historie. Piet Hein Donner speulde in de ganse formatie 'n veurnaom rol. Me heet iers geperbeerd CDA en PvdA aonein te kóppele, wat mislökde.

Anders es 't Kabinet-Balkenende I waor de coalitie reejlik stabiel. 't Conservatief-liberaol beleid vaan 't kabinet oondervoont evels väöl kritiek vaan linkse kant. In 2005 dreigde 'n crisis wie de Ierste Kamer 't wètsveurstèl tot inveuring vaan 'ne gekoze börgemeister aofwees en D'66 dao-op dreigde oet 't kabinèt te stappe. Ouch leide 't strik vreemdelingebeleid vaan minister Rita Verdonk tot väöl kritiek vaan linkse kant. Oetindelek veel 't kabinet op 29 juni 2006 wie D'66 zie vertrouwe drin opzag. Aonleiing waor de zaak euver 't Nederlandersjap vaan Ayaan Hirsi Ali, 'n sleipende kwestie tösse minister Verdonk en dit VVD-lid. De leegte die de val vaan dit kabinet achterleet woort provisorisch opgevöld door 't (missionair!) noedkabinèt Balkenende III, wat steunde op 'n minderheid vaan CDA en VVD allein.

Bezètting[bewirk | brontekst bewerken]

't Kabinet had 16 ministers, 8 veur 't CDA, 6 veur de VVD en 2 veur D'66, en 10 staotssecretaire.

Ministers[bewirk | brontekst bewerken]

Staotssecretaire[bewirk | brontekst bewerken]

Beleid[bewirk | brontekst bewerken]

't Kabinet-Balkenende II kinmèrkde ziech euver 't algemein door 'ne conservatieve stiel vaan regere. 't Motto luide Meedoen, meer werk, minder regels en is dus oonder mie gespits op deregulering. Door mager financieel rizzeltaote voolt me ziech genoedzaak ingriepend te bezuinege en daobij ouch in te griepe in de oetkieringe en versjeie pensioensregelinge. Later in de kabinetsperiood woort de financieel situatie beter en hoofde d'r minder bezuineg te weure. Dit brach e paar groete demonstraties teweeg. Ouch 't feit tot de regering d'n oorlog tegen Irak steunde heet ze väöl kritiek opgeleverd. Aanderzijds wieze väöl lui drop tot dit kabinet 'n relatief politieke stabiliteit gebrach heet, nao 't oonrösteg jaor vaan 't Kabinet-Balkenende I.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Kabinet-Balkenende_II&oldid=338580"