Jo Rutten

Van Wikipedia
Gank nao: navigatie, zeuke
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Haels, as te dit dialek sjpriks.

Jozefus Alphons Marie (Jo) Rutten (Hael en Panhael), 20 mei] 1934) is eine Nederlandjse ruter.

Jo Rutten haet tweë keër es dressuurruter aan de Olympische Sjpele mètgedaon, zoawaal individueel es in teamverbandj. Hae naom de eësjte keër individueel en same mèt zien team, wiejer besjtaonde oet Marjolijn Greeve en Louky van Olphen-van Amstel, deil aan de Sjpele van 1976 in Montreal. Individueel behaolde hae mèt zien paerd Banjo ein èlfde plaatsj in de kwalificatiewedsjtried en ein neugende plaatsj in de finale mèt ein puntjetotaal van 1189. Es lid van 't dressuurteam woort mèt zien paerd Lucky Boy een zevende plaatsj in de wach gesjleip mèt ein totaal van 4380 puntje.
Biej zien tweëde deilname op de Sjpele van 1984 in Los Angelos waas hae individueel minder succesvol. Hae woort mèt zien paerd Ampère mer 28e, wodoor hae veur wiejer deilname in de finalewedsjtried waas oetgesjakeld. 't Team, wiejer besjtaonde oet Tineke Bartels-de Vries en Annemarie Sanders-Keijzer, behaolde ein verdeenstelikke veerde plaatsj mèt ein totaal van 4586 puntje.

Nao zien sjportieve loupbaan woort Rutten, dae privé ein aannumersjbedrief runde, bóndjscoach van 't Nederlandse dressuurteam. Ouch woort hae internationaal jurylid veur dressuurwedsjtrieje.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Jo_Rutten&oldid=349375"