Jazzdans

Van Wikipedia
Gank nao: navigatie, zeuke
Soliste Jovana Ivanovic bie de Jazzdance waereldkampioensjappe 2006 in Boston – Choreographie Petra A. Budinger – Thema "The Red Shoes"

Dit artikel is gesjreve in 't Oeals. 't Weurt gewaardeerd óm in dit artikel 't Oeals aan te hauwe of aan te gaeve welk anger dialek gebroek is.


Jazz dans ouch waal Jazz dance is ein parapluterm veur versjillendje aanein verwantje danssjtiele. Ze zeen allemaol ontsjtange oet tap, ballet, jazz muziek, en Afro-Amerikaanse rhytm and dance muziek. Jazz dans haetj eigelik neet zoväöl mit jazzmuziek te make, want es muziek om op te danse weurdj van alles gebroektj, van'ne Spicegirls toet The Rolling Stones. Rondj 1940 haaj jazzdans ein eerste hoogtepuntj. In'ne fieftiger en zestiger jaore waerdje d'r al allerlei anger vorme in'ne jazzdance geïntegreerdj. Vanaaf 1960 waerdje de ontsjtange moderne jazzdans jazz en modern dance ouch in Europa populair.

Techniek[bewirk | brontekst bewerken]

Zjwarte dansers ginge taege 't enj van'ne jaore twintjig op zeuk nao ein nuuj artistieke inhaad veur häöre dans. Ze grepe trök op versjillendje historische elemente van'ne zjwarte cultuur. De eerste veursjtellinge wo in jazzdanschoreografie en uitveuring centraal sjtong waas 't "Danceconcert" van'ne "Negro Art Theatre Dance Group" van Hemseley Winfield in april 1931. De choreografieje ware geïnspireerdj op'pe vreug zuidelikke spirituals, ein aspect det nog nooit eerder veur dans waas gebroektj. John Martin, ein gezaghöbbendje recensent, numpdje 't concert "The outstanding novelty of the dance season". Hemseley Winfield waas eine pionier in'ne jazzdanschoreografie. Door zien benadering die deils worteldje in 't verzet van'ne moderne dans taege 't traditioneel ballet, is "Dance Spiritual" ein begrip gewore. Ouch door angere waerdje d'r poginge ongernomme choreografische inspiratie te ontlene aan traditioneel cultureel thema's bieveurbeeldj in reconstructies van oorsjpronkelikke Afrikaanse rituele danse oet de periode van'ne sjlaverniej.

Väölgebroekdje technieke[bewirk | brontekst bewerken]

Ondanks det jazzdans in zien tradioneel vorm aafsjtamptj van ballet, is 't beïnvloedj door anger danssjtiele zo es acro, ballet en hip hop.

Literatuur[bewirk | brontekst bewerken]

  • Marshall Stearns, Jean Stearns Jazz Dance – the story of american vernacular dance, 1968, da Capo 1994

Bronne[bewirk | brontekst bewerken]

Es bronne veur dit artikel zeen de Ingelse en Duitse Wikipedia gebroektj.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Jazzdans&oldid=348206"