Jan van der Mey

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Johan (Jan) Melchior van der Mey (Delfshave, noe deelgemèngde va Rotterdam, 19 augustus 1878 - Gäöl, 6 juni 1949) waor 'n Nederlandse architect en d'r pionier van de Amsterdamse Sjoeël.

Waerk[bewirk | brontekst bewerken]

Van der Mey begoes z'n architecteloopbaan bie Eduard Cuypers in 1898. In 1906 won-e d'r Prix de Rome en waoërt d'r örsjte Esthetische Adviseur van de sjtad Amsterdam. In 1905 waor Amsterdam de örsjte sjtad in de waelt die 'n boew-code opgesjtèld how en ze huurde Van der Mey in es hönne örsjte kunstenaer dae dis code vör d'r civile boew mos gaoë bewake. In dis funktie oontworp Van der Mey in 1912 de façade van 't Palm Hoes van 't Hortus Bontanicus, zoewie van aander geboewe. In datzelfde jaor kreeg Van der Mey d'r opdrach öm 't Scheepvaarthuis in Amsterdam te ontwaerpe. 't Waor 'ne solo-opdrach, mae e vroog Piet Kramer en Michel de Klerk om mèt te helpe. A. van Gendt waoërt bie 't projekt betrokke es boewkundig ingenieur. Van der Mey coördineerde de symbolische keuns en 't beeldhouwprogramma, zoewal an d'r binne- es aan d'r boetkaant van 't geboew. Väöl beeldhouwwaerk is van de haand va Hildo Krop and H.A. van den Eijnde, mae 'ne väöl groeëtere groep keunstenaers lieëverde hön biedrage. 't Scheepvaarthuis is èng van de hoeëgtepeunte van de Amsterdamse Sjoeël, oeëvan Michel de Klerk d'r belangriekste vertegenwoordiger waoërt.

De Brug över de Waaleilandsgracht waoërt ooch dör Van der Mey oontworpe; de lantaarns zeunt van Kramer. Daarnao haat-e nog väöl hoezerblök in Amsterdam Zuid en roond 't Mercatorplein geboewd, mae gèng van dis waore zoe uitgespraoëke wie 't Scheepvaarthuis.

Wonhoes in Gäöl[bewirk | brontekst bewerken]

Van der Mey haat jaore mèt z'n vrow in Gäöl gewond oeë e 'n vakwaerkhoes restaureeerde. E is ooch in Gäöl gesjtorve. Volges Coenen kaome in dit hoes sjtielelemente väör in 't klèng, die in z'n aander waerk grootser oetgeboewd waoërte. Dis weuning is 't ènnige waerk va van de Mey in Limburg. Ömdat-e neet katholiek waor kreeg-e hie gèng opdrachte.

Extern leenke[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Jan_van_der_Mey&oldid=349351"