Jambes

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Pont de Jambes mèt zich op Jambes
't Elysette in Jambes an de Maas
Gezich óp Jambes (leenks) an de Maas, mèt de jachhave en 't eiland Vas t’y frotte

Jambes is 'n deelgemèngde van de Belzje sjtad Name. D'r wónne 18.159 inwoners (midden 2007) en de plaatsj haat 'n óppervlakte van 761,4 hectare.

Liegking[bewirk | brontekst bewerken]

't Sjtadsdeel sjtrekt zich över 'n lengde va circa 7 kilometer oet över de rechterziej van de Maas; an de överziej liekt 't aod sjtadscentrum va Name en de Confluent, de samevloeiing van de Maas en de Samber. Jambes is mèt driej verkieërsbrugke en 'n bruk vör 't sjpaoërverkieër verboonde mèt Name. De odste van dis brugke, de Pont de Jambes, dateert oet d'r 11e ieëw. Jambes grenst noordelek an Beez, oostelek an Erpent en zuidelek an Dave.

Historie[bewirk | brontekst bewerken]

Jambes makde bies an 't èng van d'r 18e ieëw deel oet van 't Preensbisdom Luuk. Sjtrategisch gelaege taegenöver Name met z'n Citadel sjtóng 't daovör in de biezoonder belangsjtèlling van versjillende sjtrijdmachte die Name wilde verovere.

Bies an 't begin van d'r 20e ieëw wis Jambes zie ruraal karakter te beware. 't Booj evvel de voornaamste greujmäögelekheed vör de sjtad Name, oeëvan 't odste gedeelte ingeklemd liekt tösje d'r hövvel va Bouge en d'r hövvel van de Citadel. Zoe koes 't gebäöre dat Jambes bie de sjtad Name waoërt getrókke en nao inwonertal inmiddels 't aod Name övertreft.

Economische activiteet[bewirk | brontekst bewerken]

Jambes is belangriek es besjtuurscentrum: aan de Maas liekt de ambtswuning van d'r Welzje minister-president, 't Elysette geneumd. Wieër sjteunt d'r versjillende groeëte kantoeërcomplexe van 't Welzje regiobestuur. Jambes kènt hós gèng industrieel activiteet (waal saer 1926 'n mósterdfabriek: Bister), mae beejt mèt z'n concentratie van weenkelcentra 'n biezoonder aantrèkkingskrach vör 't achterlaand. In Jambes zeunt tal van oonderwiesinsjtèllinge gevestigd, oeë-oonder e conservatorium.

Bekiekenswaeërd[bewirk | brontekst bewerken]

  • de väörmalige abdij van Géronsart (12e eeuw)
  • d'r donjon d”Enhaive (13e eeuw)
  • de kèrk van Saint-Symphorien in de Rue Jean Materne, vlakbie d'r Pont de Jambes (19e eeuw)
  • hieërehoes oet d'r 18e ieëw, oonlangs gerestaureerd
  • an d'r raand va Jambes, óp d'r waeg nao Géronsart e complex mèt 'n ow, noe gerestaureerde watermäöle en 't atelier van d'r beeldhouwer Ward Vande Ryse

Verteer[bewirk | brontekst bewerken]

Óp Hieëmelvaartsdaag wert 't festival Jambes en Fête geveerd, óp d'r mondèg van Pinksteren 't Corso de Jambes (e saoërt carnavalsóptóch) en eind juli 't Festival van Waeltdaans en Waeltmuziek.

Gesjtórve[bewirk | brontekst bewerken]

1849: Théodore Weustenraad

Extern leenk[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Jambes&oldid=341349"