Hunnekem

Dit artikel is gesjreve in 't Nuts. 't Weurt gewaardeerd óm in dit artikel 't Nuts aan te hauwe of aan te gaeve welk anger dialek gebroek is.

---

Sjpekhoeës i Hunnekem

Windmuuële va Hunnekem

Hunnekem (Nederlands Hunnecum) is e gehuch behurende bie de gemeinte Nut in Zuud-Limburg mèt ongevier 80 inwuuënesj. ’t Besjteet oet ‘n 30 boerderieje en hoeëzer. Opvallend is d'r boewsjtieël va vuural ‘t sjpekhoes. De moere zint va baksjtein gelardierd mèt horizontaal mergele beng, die witgeverf zunt. Baoëve de paoërt va deës carréboerderie bevingk zich 'ne sjleetsjtein woeë-op 't jaoërtal 1824 vermeld sjteet. Aan d'r rand va de beboewing sjteet ’ne wuuëste sjmeedieëzere waeëgwiezer oeët 1904, op de vruuëger krutsing va d'r waeëg Hölsberg, Aolbaek richting Nut en d'r waeëg Griëzegröbbe, Tersjtraote richting Vink, Wienesrao, Brómmele.

In 1938 woert d'r riekswaeg verbreid, doe kaom e gedeilte van 't gehuch aan 'ne ventwaeg te ligke. D'r haof van de families Somers-Erven en later Somers-Pinckaerts (Hunnekem 15) woert vanwaege die aanpassing aafgebraoke.

Tösje Hunnekem en de Vink liek i ge veld 'n plek mèt d'r naam "d'r Blauwe sjtein". Bie ‘ne blauwe muuëlesjtein verzamelde zich de ouw Germane of dege dao rech sjpraeëke. Op 'n kaart oet 1840 sjteit d'r naam voloet genump. Allewiel is d’r ’n manege gevestig.

Aan d'r uuëverkant van de hudige krutsing, aan d'r Putwaeëg, sjteet 'n sjmeedieëzere waeëgkruts.

Op 'n huuëgde aan d'r doergaonswaeg bevingk zich de windmuuële va Hunnekem, geboewd in 1882. 't Is ein va de wieënige windmuuëles va Zuud-Limburg naeëve die op De berg (Ubachsberg), op Kelment (Kelmond), in Groesjelt (Gronsveld), i De Uëverhieëk (Overheek), op 't Gastes(Wolfshuis-Gasthuis) en i Oeësjbik (Oirsbeek).