Hölsberg

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Hölsbergs, as te dit dialek sjpriks.

---

Kèrk van Hölsberg

Hölsberg is e dörp in de gemeinte Nut in Zuud Limburg. Op 1 januari 2005 woonde d'r 4300 luuj. Tot 1982 waor Hölsberg 'n zelfsjtendige gemeinte. Bie de gemeintelike herindeiling kaom 'n deil van 't gebeed van de veurmalige gemeinte Hölsberg bie de gemeinte Valkeberg. Hölsberg woort veur 't ièsj vermeld in 1147 es Hulsberga.

De kèrk van Hulsberg is gewied aan de heilige Clemens. 't Kèrkgeboew dateert oarsjprónkelik oet 1820, meh ze woort ingriepend verboewd en vergruët in 1908 en 1930. De glaas-in-loadvinstere zint gemaak door Hans Truyen. 't Örgel is geboewd door de Mestreechse örgelboewesj Willem Theodoor Pieter Theo Pereboom en Jean Leyser en is geplaats rónd de jaorwisseling van 1871/1872. In 't instrument is piepwerk oet de 18e iëw verwèrk.
Op de kruutsing Raodhoessjtraot en Sjoalsjtraot sjteit 'n groat Heilig Hartbeeld oet 1941. Dao taegeneuver sjteit 'n beeldje van de "Vlegende bok" mèt in de buurt 'n mei-den.

Aan de sjoalsjtraot bevingk zich 'n neogotisch kloaster, opgetrokke oet kundersjtein, van de zustesj Franciscanesse. Zie gaove jaorelank ónderwies aan de liëgere sjoal (Basissjoal) in Hölsberg.

Aan de Mèswaeg ligk 'n groate nuuj woonwiek mèt "veld"name es sjtraotname.

De "Zendmast Hulsberg", 'n radio- en televisiemas, sjteit neet in Hölsberg meh in 't gehuch D'n Emmaberg, dat bie Valkeberg huërt. Tot 1940 huërde dit gehuch gedeiltelik bie de gemeinte Hölsberg.

Buurtsjappe

• Aolbaek
• Arensgenhout
• Kleingenhout
• D'n haof Wiesjegrach, 'n carréboerderie, is e rieksmonument.

Kloaster in kundersjtein

• Gen Eikske
• Panhoes

Dörpsvereiniginge

• Fanfaar St. Caecilea
• Fanfare St. Clemens (Arensgenhout)
• Drumband St. Rochus
• Dameskoar Laudate
• Carnavalsvereiniging de Beumerwalders
• Jónkheid Hölsberg
• Voetbalvereiniging SV Hulsberg

Extern links

• http://www.hulsberg.info