Hoes Blankenberg

Van Wikipedia
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Keersj, es te dit dialek sjpriks.

Kesjteël Blankenberg
Kesjteël Blankenberg, fronton

Hoes Blankenberg is 'n kesjteël gelaege aan de Blankenberg in 't gehuch Honthem bie Cadier en Keer dat taengewoordig deil oetmaak van de Nederlands Limburgse gemeinte Mergraote.

Besjrieving van 't kesjteël[bewirk | brón bewèrke]

Kesjteël Blankenberg besjteit oet 'n neoclassicistisch, mieë bepaald empire drielaogs, wit gepleisterd geboew mèt tweë hookpaviljoens, wotösje 'n midderisaliet veurzeen van 'n fronton mèt sjtöcversering. Wiejer haet 't 'ne neerhaof gevörmp oet 'ne wit gesjilderde gesjlaote carrévörmige haof.

Gesjiedenis en eigenaere[bewirk | brón bewèrke]

't Hujige kesjteël sjtamt oet 1825 en is geboewd op de fundamente van 'n middeleëuwse vèsting in de vörm van 'ne vuurtaore oarsjprunkelik gelaege aan de Romeinse heërbaan van Mesjtreech naar Limburg en Trier. Deze vuurtaore deende es bake veur de Romeinse soldaote en hanjelaere die tösje Trier en Mesjtreech reisde. Later maakde deze taore plaatsj veur 'n middeleëuwse vesting en in 1370 maakde 't kesjteël deil oet van de sjepebank Cadier. De eërste vermèlding van 'ne eigenaer is in 1381, wobie sjprake is van 'ne zekere Arnold d’Elen. Hae verkoch 't kesjteël aan de femilie Bongart die hunne zetel op kesjteël De Bongard in Boches hèje. Nao dees femilie kaom 't kesjteël in bezit van achtereinvolges de families De Herten en De Horion. Door vererving kwam het daarna in bezit van de femilie Cortenbach en door verkoup in 1627 aan Wolter Hoen. De femilie Hoen waas 'n wiedvertakte femilie die väöl anger kesjteële in Zuud-Limburg in eigedom hèj. Vervolges kaom 't kesjteël in bezit van de femilies Jacobi en Van Hemerstein en tensjlotte kaom 't in bezit van baron Salomon Reinier Marius Pichot de Plessis. 't Waas deze baron dae de aw börch in 1825 in z'n geheël pès de gróndj toe sjloopde en op de fundamente 't hujige hoes in neoclassicistische sjtiel en es lusaord boewde mèt daobie 'n prachtig park. Veur daen tied waas 't 'n heël modern geboew mèt groate rame en witgekalkte gevels. Inwèndig hèj 't fraaie zale en 'ne trap in empire sjtiel. Toen de baron in 1841 euverleej verkoch zien weduwe 't landjgood aan de Belsje baron Chestret de Haneffe. 't Bleef tot 1904 in bezit van dees femilie.

't Heje[bewirk | brón bewèrke]

In 1904 woort 't kloaster eigedom van 't Franse broedersjap van St. Blasius. Op 't einje van de 19e eëuw en 't begin van de 20e eëuw woort Cadier bekènd es 'n Blasius bedevaartsplaatsj. Door geldgebrek woort 't kesjteël sjlech óngerhouwe en woort 't broedersjap noadgedwónge 't kloaster aan de paters Redemptoriste euver te doon. Dees paters boewde 'n kapel en 'n sjuur bie 't kesjteël. Later woort 't 'n kloaster van de "Zusters van 't Arme Kind Jezus" en kreeg 't 'n flinke opknapbeurt. In 2004 naom 't Academisch Ziekehoes Mestreech 't complex euver en gebroek 't momenteel es verpleeg- en hersjtèlkliniek. De nog aanwezige zusters verhoesde nao 't moderhoes van de congregatie Huize Loreto in Zumpelveld.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hoes_Blankenberg&oldid=440675"