Herman Veugelers
- Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Obbichs, es te dit dialek sjpriks.
Herman Veugelers, gebore op 18 september 1937 in Obbicht en gesjtorve op 25 juli 2000 in Mestreech waor 'ne Limburgstalige (Obbichs), proteszenger, diechter en sjriever.
Herman volgde in Zittert de ambachsjoal, wèrkde op versjillende fabrieke, en begoes es 18- jaorige aan 't gymnasium in Zittert, dat 'r op klein seminarie Rolduc aafmaakde. Daonao sjtudeerde hae filosofie, theologie en pedagogiek en waor vörmingswèrker bie de arbeidersjeug. In de jaore '70 en '80 waor hae leraar pedagogiek en methodiek aan de Katholieke Opleidingssjoal veur kleuterleidstersj in Mestreech.
Visie en werk[bewirk | brón bewèrke]
Zien thema's: natuur, ónderwies, de mien (arbeider) en de emancipatie van de vrouw. Hae sjreef leedtekste en toneelsjtökker euver 't zjwoar leve van de koempels o.a. veur muziek-theater-produktie Es de wendj zich dreejt (1985) van 't Limburgs Toneel. Fel koes hae te kièr goon tege de aantasting 't landsjap, ( De Graathei en 't plateau van Mergraote). Euver de Graathei versjeen 'n L.P. mèt loesterleedsjes Gaape taege eine bakoave.
- 1993 De Heks van Limborgh bie gelegenheid van 't 750 jaorig besjtoon van de sjtad Zittert.
- 1996: 't Toneelsjtök Caspar en Sebil.
- Toneel: Es ene kwakkert os wilt zeen.
Hae waor reigelmaotig op de ROZ, de regionale radiozender in Nederlands Limburg mèt zien protesleedsjes. Dees woorte door de umroop op 'n L.P. ónder de titel De Saneringsroute oetgegeve. Hae rekende hie aaf mèt geromantiseerde beeld van Limburg dat de traditioneel troubadours dèks nao veure brachte. Sjlagersj van häöm: Wo mien mooder mich gelaerd haet om te laeve; Vilt 't laeve om de nondedjuu neet mit en Nölke Sjmeets wilt renner waere. Ouch bie de latere Radio Limburg en L1-televisie woort Herman dèks gevraog.
- In 2000 versjeen van häöm zien debuut, in de maond van ziene doad, de historische roman De Heks van Limborgh in de LiLiLi-reeks nummer 22.
- In 2009 versjient, postuum, in de LiLiLireeks, nr 64, de bloomlezing oet zien werk, Welteröste leef Limburg, met leefdesleedsjes, carnavalsleedsjes, gelegenheidsleedsjes, natuurleedsjes, levesleder, religieuze leder en volksleedsjes.
(veurluipig) Sjtäölke[bewirk | brón bewèrke]
Laot mich noe mer vertrèkke
Nao det vraemde sjtille lentj
Want zonger mich kènt geer ouch bes wal laeve.
Ich zeen 'm dao al wènke op mich aan d'n euverkentj
Om mich eindelik mien vrae en rös te gaeve
1978
