Harrie Geelen

Van Wikipedia
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Heëlesj, es te dit dialek sjpriks.

Harrie Geelen (Heërle, 10 jannewarie 1939) is 'ne Nederlandse teikenaer, illustrator, regisseur, animator, sjriever, dichter en vertaler.

Hae sjtudeerde Nederlandse taal en lètterkunde in Amsterdam wo hae zien later vrouw Imme Dros taenge kaom, sjriefster van kènjerbeuk. Hae wirkde vanaaf 1967 biej de Toonder Sjtudio's, wo hae later de creative director zouw waere. Harrie Geelen sjreef en regisseerde väöl televisieprogramma’s zoa-es Prikkebeen en Pinkeltje en sjreef ’t scenario van Oebele, Kunt u mij de weg naar Hamelen vertellen, mijnheer?, Q en Q en Dolly Dots. Ouch vertaalde hae Disneyfilms nao 't Nederlands en illusjtreerde ónger angere beuk van Annie M.G. Schmidt en zien vrouw Imme Dros.

Geelen regisseerde de Maarten Toonder teikenfilm van Tom Poes en Olivier B. Bommel, 'Als je begrijpt wat ik bedoel' en hae sjprook ouch ènnige sjtömme in.

Van 1 oktober t/m 16 november 2008 sjtóng 't SCHUNCK-Glaaspelies in 't teike van de kunstenaer Harrie Geelen mèt ein euverzichstentoansjtèlling van zien werk ónger 't motto 'Hamelen, Hilversum, Heerlen, welkom in de wondere wereld van Harrie Geelen' . Ein fraaj presentatie van zien beujend werk mèt väöl interactieve elemente veur jónk en awt.
Zuug: Harrie Geelen, Hamelen, Hilversum, Heerlen.

Werk[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Harrie_Geelen&oldid=456443"