Kaardemich

Van Wikipedia
(Doorverweze van Haof Kaardemich)
Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Klummesj, es te dit dialek sjpriks.

Haof Kaardemich

Kaardemich of Kademig (Nederlands: Kaardenbeek of Cardenbeek) ies 'n carréboerderie bie Krawbich (Klumme, gemeinte Voelender). Deze baksjteine haof weurt al geneump in de 13e ièw. Ander name zint: Cardenbech (1620), Cardenbech (1631), Cardebeck (17e ièw) en Caertenbeck (1679). Ouch Cardenberg kump veur. De haof liek aan de holle waeg geneump Keldergraaf (vreuger Kerrestroet).

Aan de rechterzie ies get oud mergelwerk in de boew te zeen. De groate sjuur links veuraan dateert van 1827, zègke de moerankersj, en ies deils van mergel opgetrokke. 2 Groate ellipspoorte sjtoon neve-n ein mèt 'ne sjleetsjtein van helsjtein. Puntgevele bevinge ziech veur en achter en 'n ellipspoort mèt sjleetsjtein woa-op 1821 en de initiale I(ohannes) H(orsmans) A(nna) E(lisabeth) S(tassen).

In de 17e en 18e ièw woonde 'n familie Meyers in de haof.
Veur 1600 weurt de naam Cardenbeek geneump mèt es pachtersj o.m. Heilger Cardenbeek in 1568 en Johannes Cardenbeek in 1380.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kaardemich&oldid=243077"