Graafstroom

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Graafstroom
Gewaeze gemeinte in Nederlandj

Veendel vaan de Graafstroom

Waope vaan de Graafstroom

De geweze gemeinte Graafstroom in Zuid-Holland (situatie 2009)

Gevörmp 1986
Opgehaeve 2013
Opgegange in Molenwaard
Provincie Zuid-Holland
Hoofplaats Bleskensgraaf
Opperflaakde (bie opluffing) 69,32 km²
– daovan water: 2,37 km²
Inwoeners (kort veur opluffing) 9.794 (1-2-2012)
deechde: 146/km²
Lies van börgemeisters

Graafstroom is 'n veurmaolege gemeinte in de Nederlandse provincie Zuid-Holland, in de Alblasserweerd. De gemeinte, die 'n klein tiendoezend inwoeners had, bestoont oet 'n aontal dörper die in lintbebouwing um 't gelieknaomeg kenaal ligke, in 't verlèngde vaanein (zuug oonder). In 2013 fuseerde de gemeinte mèt Liesveld en Nieuw-Lekkerland tot de nui gemeinte Molenwaard.

Insignes[bewirk | brón bewèrke]

Umtot 'n combinatie vaan de zeve aw gemeintewaopes zoe good wie oonmeugelek waor, besloot me vaan e nui waope te make. Dit liet ziech zoe besjrieve: vaan goud, mèt drei dweersbalke vaan azuur, de boveste en oonderste gegolf. Dit waope stèlt de geografie vaan de gemeinte veur, mèt d'n Alblas, de Graafstroom en de Goudriaan. De middeste weurt um zie mie kenaalechteg veurkoume es rechte balk geteikend.[1]

't Veendel is natuurlek gebaseerd op 't waope.

Plaotse[bewirk | brón bewèrke]

Geziech op Brandwijk, euver de Graafstroom
Meule De Vriendschap in Bleskensgraaf

De gemeinte umvatde de volgende kerne en naobersjappe:

Aonzien[bewirk | brón bewèrke]

Wie de gansen Alblasserweerd waor de gemeinte waterriek en wie 't groetste deil vaan de streik is ze agrarisch vaan karakter, mèt groete weilen, brei slote en kenale en väöl windmeules. Alle dörpskerne höbbe 't karakter vaan lindörp, oetgestrek langs brei vaarte. De drei groetste waterluip zien d'n Alblas, de Graafstroom en de Goudriaan. De ierste twie ligke in 't verlèngde vaanein, al is d'n Alblas väöl krommer. Aon de noordkant vaan deze stroum ligke vaan wes nao oos Oud-Alblas-Noordzijde, Heulenslag, Bleskensgraaf-dörp, Gijbeland en Ottoland-zoord; aon de zuidkant vint me Oud-Alblas-dörp, Abbekesdoel, Hofwegen, Molenaarsgraaf en Ottoland-zuid. 't Ein dörp geit dus ummer naojeloes euver in 't aandert. 't Dörp en 't water Goudriaan ligke oostelek vaan Ottoland, e bitteke wijerop. Allein Wijngaarden en Brandwijk-dörp ligke gans boete de doorloupende lintbebouwing.

't Aontal rieksmonuminte waor besjeie: 87 in de ganse gemeinte.[2]

Historie[bewirk | brón bewèrke]

Vörming[bewirk | brón bewèrke]

De gemeinte oontstoont in 1986, bij 'n gemeinteleke herindeiling in gans de regio. Sommege vaan de gemeintes hadde zelf ieder annexaties achter de rögk. De complete annexatiehistorie zuut zoe oet:

  • Graafstroom (gevörmp 1986)

Wijer woorte klein deile vaan de aw gemeintes bij buurgemeintes geveug, en kraog Graafstroom zelf e deile vaan de toen ouch opgeheve gemeintes Giessenburg (dörpskern nao Giessenlanden), Groot-Ammers, Langerak en Streefkerk (dörp in alle drei gevalle nao Liesveld).

Fusie[bewirk | brón bewèrke]

De fusie mèt Liesveld en Nieuw-Lekkerland, die op 1 jannewarie 2013 in wèrking traoj, waor sinds jaore in veurbereiing.[3] De nui gemeinte geit Molenwaard heite en weurt op 1 jannewarie 2013 ingestèld.[4]

Börgemeisters[bewirk | brón bewèrke]

In zie kort bestoon heet de gemeinte Graafstroom veer börgemeisters gehad.

Ambsperiood Naom börgemeister Partij Bezunderhede
1 jannewarie 1986 - 1 september 1999 Gerrit (G.W.) Abbring CDA Vaan 1980-1986 börgemeister vaan Brandwijk, Molenaarsgraaf en Wijngaarden.
16 september 1999 - 1 juli 2005 Jan (J.) van Belzen SGP
1 juli 2005 - 1 miert 2006 Loes (L.H.M.) van Ruijven-van Leeuwen CDA woernummend
1 miert 2006 - 31 december 2012 Dirk (D.R.) van der Borg CDA Tenao veurluipege börgemeister vaan Molenwaard[5]

Bronne[bewirk | brón bewèrke]

Veur dit artikel is oonder mie gebruuk gemaak vaan nl:Graafstroom en nl:Lijst van burgemeesters van Graafstroom.

  1. Heraldrywiki - Graafstroom
  2. Rieksmonuminte in de gemeinte Graafstroom
  3. Provincie Zuid-Holland - Herindelingen
  4. De Waard Werkt - Gemeente Graafstroom
  5. Provincie Zuid-Holland - Van der Borg waarnemend burgemeester Molenwaard

Externe link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Graafstroom&oldid=456420"