Grót va Spy

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


De grót va Spy.

De Grót va Spy bevindt zich óp 't Belsj in Welzje provincie Name. In 1981 waoërt de grót en de ömgaeving geklasseerd es monumaent en site.

Historie[bewirk | brontekst bewerken]

Sjedel gevoonde in Spy.

De grót va Spy is 'n belangrieke site oet d'r owwe sjtèèntied. In 1886 deeg 'ne groep Luukse oonderzeukers 'n oetzoonderleke oontdèkking die de aanleiding zów werre öm e miensjetype waeltwied te erkenne dat aandersj waor es d'r moderne miensj, d'r Neanderthaler. D'r archeoloog Marcel De Puydt, d'r geoloog Max Lohest en d'r paleontoloog Julien Fraipont tróffe driej Neanderthal-geraemsjdes aa in 'n ömgaeving van de vuursjtèèbewerking van 't mousteriaan.

Besjrieving[bewirk | brontekst bewerken]

li Bètche al Rotche (Bec-aux-Roches) bevindt zich in 'ne bebeusjde waand óp d'r rechteroever van de Orneau. De grót äöepent zich in 'ne kalkrots óp 20 meter baove d'r watersjpiegel. D'r toegaank haat 'n huuëgde van 4 à 5 meter en 'n dèpde va 6 à 8 meter en is dör 'n pilaer in twieë verdeeld.

Recaent oonderzeuk wees oet dat de grót in versjèjje periodes bewónd is gewes, bies in de middelieëwe. Eind 2008 wert 'n grondige inventarisatie van alles wat dao oeëts voonde is aafgerond.

Praktische informatie[bewirk | brontekst bewerken]

De grót bevindt zich op priveegroond. Me maog de grót neet binne ömdat ze geklasseerd is Natura 2000.

Externe leenk[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Grót_va_Spy&oldid=340951"