Gerrit Komrij

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Gerrit Komrij in 1994

Gerrit Komrij (Winterswijk, 30 miert 1944 - Amsterdam, 5 juli 2012) waor 'ne Nederlandsen diechter, sjriever, vertaoler, criticus en bunesjriever. Heer waor vaan 2000 tot 2004 Diechter vaan 't Vaajerland. Heer stoont bekind um zienen touwgenkeleke stijl en zien polemieke.

Biografie[bewirk | brontekst bewerken]

Komrij woort in d'n oorlog gebore in e tuindörp in Winterswijk. Zien ierste gediechter sjreef heer veur de sjoolgezèt vaan de HBS. In 1963 woorte veur 't iers werke vaan häöm gepubliceerd, Dekonstruktie in vier delen, bij 'n klein drökkerij in Winterswijk. Heer zaog dat zelf evels es e 'pseudodebuut'; 't ech debuut waor veur häöm de bundel Maagdenburgse halve bollen en andere gedichten oet 1968, die häöm inderdaad bekind maakde. Vaanaof 1976 raakde heer, door 't NRC Handelsblad, ouch bekind es recensint en in 1979 stèlden 'r de bekind gewore blomlezing De Nederlandse poëzie van de 19de en 20ste eeuw in 1000 en enige gedichten, die in 2004 woort geactualiseerd.

Vaanaof 1984 woende Komrij mèt z'ne partner Charles Hofman in 't dörpke Alvites in Noord-Portugal. Dao zouw heer tot z'nen doed blieve woene, al kaom heer nog dèks genoeg in Nederland. In 1990 heel heer de Huizingalezing in Leiden, welke universiteit häöm tien jaor later tot ieredoctor zouw make. Tösse 2000 en 2004 waor heer d'n ierste Diechter vaan 't Vaojerland (Dichter des Vaderlands), in welke functie heer woort opgevolg door Driek van Wissen. In 2009 sjreef heer nog 't Groet Dictee vaan de Nederlandse Taol en in 2011 stoont heer op de buun mèt zien eige muzikaol theaterstök De zeven zonden van Jeroen Bosch, boe heer woort begeleid door de Camerata Trajectina. Op 5 juli 2012 storf heer nao e kort kraankebèd in 't Slevrouwegashoes in Amsterdam.

Bron[bewirk | brontekst bewerken]

Dit artikel is gebaseerd op 't corresponderend Nederlandstaoleg artikel, en wel in dees versie.

Commons
In de categorie Gerrit Komrij van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Gerrit_Komrij&oldid=354940"