George Tielens

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


George Tielens waor 'ne beeldend kunstenaer dae woort gebore in Venlo in 1888 en dae sjtorf in Zitterd in 1950. Nao 'ne sjtart es beroepsmilitair en 'n paar jaor es reclamesjilder in Tilburg gewèrk te höbbe, verhuusde Tielens rónd zien fièrtigste nao Zitterd um es kunstenaer wiejer te goon. Hie riechde hae ouch 'n sjildersjoal op woa o.a. Toon Hermans en Pie Schmitz lèsse volgde. De bekènde Zitterdenaer Zefke Mols kaom häöm dèks opzeuke en waor ouch model, in zien atelier bove De Kroon.

Tielens houw in 't begin succes mèt sjildere in de kèrk en es ontwerper van glaasvènstere bv in Sjpawbik in 1929 en Nut in 1930, in Lindenheuvel 1931, Pöt en Heerlerhei in 1934. Ouch maakde hae alle glaas veur de Sint Servaoskèrk in Vaosjrao in 1929. Nao de twiède waereldoorlog kreeg hae de opdrach um de moere te besjildere van 't Biesjoppelik College dat in gebruuk waor es rest-center door de Amerikane. Dat deeg hae same mèt ziene lièrling Willy Paes. In Gelaen ies 'n sjtraot nao häöm geneump in de sjildersbuurt.

Thema's[bewirk | brón bewèrke]

Neve protrètte sjilderde Tielens gaer Limburg mèt zien häöf en hinne op de binneplei, wèrkende boere en boerinne, dörpsgeziechte, brögke en kesjtièle. Hae maakde 'n portrèt in opdrach, van de biesjop van Remung mgr. Lemmens.

Tentoansjtèllinge[bewirk | brón bewèrke]

  • 2010 Museum het Domein in Zitterd "Wat blieft u?, George Tielens als toonbeeld van de regionale smaak".

Dao versjient dan ouch 'n publicatie van George Tielens.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=George_Tielens&oldid=434121"