Gebroeker:Steinbach/Limbörg vs. Holland

Van Wikipedia
Waarsjouwing: chaotisch stökske.

Op dees paasj haw iech bij wat op dees Wikipedia euver Limbörg en wat euver Holland/Wes-Nederland/Nederland-boete-Limbörg gesjreve steit. Iech höb nogal de neiging um euver dat lèste te sjrieve, wat miech vreuger wel ins op kritiek kaom te stoon. Zelf vin iech ouch, ederskier es iech e laank artikel euver "Holland" höb gesjreve, tot iech minstes ins e vergliekbaar artikel euver Limbörg moot sjrieve, op e bestoond artikel oetbreie. Meh allebei is lesteg: t'n ierste vin iech Limbörg zeker 'n sjoen provincie, meh veur miech is 't boeteland: iech woen dao neet, iech kóm dao neet vaandan iech iech kóm dao ouch neet dèks (mie). Dus bij nui artikele zalle aander gebrukers beter beelde höbbe. 't Twiede, artikele oetbreie, kin väöl lesteger zien es nuie aonmake, umtot mèt wat al steit rekening moos hawwe (zeker es 't artikel 'vaan 'nen andere' is). Vaandao tot iech dat soort planne dèks oetstèl.

Deze casus is veural veur miech persoenlek. Eur commentair drop is evels welkóm.

  • Artikel euver 't gebeed: Nederlands Limburg 8597 bytes - Zuid-Holland 6519 bytes. (Nederland zouw 'n verkierde verglieking zien, artikele euver 'n provincie maakste neet zoe laank)
  • Streektaol: Limburgs 21.655 bytes - Hollands 3.310 bytes (artikel "Hollands" voldeit ouch neet mier aon mien eise. Vergliek ouch: Zuid-Hollands (17.526 bytes) en Utrechs-Alblasserwaards (29.239 bytes). "Limburgs" zouw oongeveer zoe mote weure wie Wes-Vlaams: 57.668 bytes)
  • Inkel dialek: Mestreechs 5.754 bytes - Katwijks 35.167 bytes (Hei weurt oets get aon gedoon. "Katwijks"is wmb e model veur e good artikel in zien soort. Meh iech kin uuch wel verraoje: mèt 't artikel "Mestreechs" bin iech zoeväöl vaan plan tot dat wel weke kin dore...)
  • Vogel: Däölke 9.720 bytes - Zèlvermiew 5.337 bytes (vèlt nog mèt: "däölke" is toch laanger)
  • Zoegdier: Korewouf 4.364 bytes - Toemeleer 4.051 bytes (ieste artikel is neet vaan miech. Toch nötteg es referentie. Allebei de artikele zien vaan jaore geleie, allewijl zouwe v'r ze dinkelek laanger make)
  • Stad: Mestreech 9.447 bytes - Rotterdam 6.334 bytes (ah, dao is 't Limbörgs artikel ins laanger, en mèt väöl mie blauw! Meh allebei mage ze laanger huur...)

Veurnaomste conclusie: aon alle kante maag nog wel get gebäöre aon Wikipedia, 't is minstes euverdreve um te zègke tot Hollandse artikele euverhierse. Teminste in dees paar veurbeelde.

Verwante kwesties:

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Gebroeker:Steinbach/Limbörg_vs._Holland&oldid=291087"