Gebroeker:Steinbach

Van Wikipedia
(Doorverweze van Gebroeker:HaafLimbo)
Gank nao: navigatie, zeuke
Doot ins gek en sjrijf ins 'n artikel!
Taleknóbbel
li-3 Deze gebroeker kalt hoegwaerdig Limburgs.
nl Deze gebruiker heeft Nederlands als moedertaal.


de-3 Dieser Benutzer hat sehr gute Deutschkenntnisse.
en-3 This user is able to contribute with an advanced level of English.


zea-3 Deze gebruker praot vloeiend Zeêuws.
fy-2 It Frysk fan dizze brûker is ridlik.
nds-2 Dizzen broeker hef ne maotige kennis van 't Nedersaksisch.
nl-kw Deuze gebruiker ken vissies bestelle astie in Kattek nae de zàè gaet.
nl-rt 'deizɨ gə'bʀæʉkəʀt kɔ̹ mp 'ɜuk wɛlɨs ın ʀɔ̹ tɨj'dɒm, kɛjət ho:ʀɨ
nl-ut Deuže gebruiker kejje petât laote haole in Ondiep of op Žuile.
fr-1 Cette personne peut contribuer avec un niveau élémentaire de français.
Zeuk op tale van gebroekers


Steinbach in Steinbach.

De höbs op 't memint te make mèt Steinbach, ouch wel bekind es ᔅᑕᐃᓐᐸᐦ, ﺷﺘﺎﻳﻨﺒﺦ, Штайнбах, Σταίνβαχ, ステイヌバ, שׁטאיןבח, ᏎᏖᎢᎾᏆᎮ, 𐏂𐎫𐎹𐎴𐎲𐎧 en ⵙⵜⴰⵢⵏⴱⴰⵅ, vreuger HaafLimbo, 'ne gebruker vaan dees Limburgse Wikipedia. Iech bin Hollender vaan geboorte en iech höb noets in Limbörg gewoend. Toch veul iech miech, um sentimenteel reies, verboonde mèt Mestreech in 't bezunder en Limbörg in 't algemein. Dat, en mien veurleefde veur taol en dialek, heet miech Limbörgs doen liere. Sinds de allerlèste daog vaan 2004 bin iech bij de Limbörgse Wikipedia betrokke, die iech höb mètgeholpe te greuje vaan mer 9 tot 6.989 artikele.

[bewirk] Intresses en sjrieverij

Op 'ne zoe kleine Wikipedia mèt zoe wieneg gebrukers wie d'n euze kin me 't ziech koelek permetere um allein euver ei gebeedsje te sjrieve. Daan zouw euver sommege zakes noets artikele koume. Daorum bin iech hei ummer e bitteke generalis gewees, meh iech höb wel veur sommege dinger mie veurkeur es veur aandere.

[bewirk] Meziek

Dit moot mer bovenaon, want allein heiveur höb iech doorgelierd. 't Gief neet ins zoeväöl muziekartikele vaan mien hand, al wèl iech dat wel verandere. Lang artikele zien beveurbeeld Wolfgang Amadeus Mozart en Popmeziek, specifieke dinger zien oonder mie Normaal, Doe Maar, Toontje Lager en Het Goede Doel (mien bachelorscriptie góng euver Nederpop).

[bewirk] Taol

Mie stekpeerdje, al jaorelaank. Aanders hej iech jummers noets Limbörgs gelierd... Iech höb väöl euver Limbörgse dialekte gesjreve, meh ouch euver aander Nederlandse streektaole (wie Wes-Vlaoms of Katwijks), exotische taole (Arabisch), doej taole ((Aajd)Latien) en gereconstrueerde taole (Proto-Indogermaans).

[bewirk] Nederland en de wereld

Iech kom neet oet Limbörg, dus veur miech is ouch de res vaan Nederland intrèssant. Mehjao! Daorum höb iech al in 2006 alle Nederlandse gemeintes 'n artikel gegeve en haw iech alle herindeilinge minutieus bij. De gemeintes in Vlaondere zien noe aon de beurt. Ouch höb iech de mieste len besjreve, meh neet zoe oetgebreid.

[bewirk] Bieste

Gaaroet neet mien specialisatie (iech bin 'nen alfa), meh wel hendeg intrèssant, zeker zoogdiere en veugel. Sinds kort (op 't memint vaan sjrieve) intrèsseer iech miech bezunder veur peerd. Jeh ech! Iech väöl miech zjus e meidske innins, en iech zouw wèlle tot iech kós rije. (Begin mer neet draon.) Moot wel zègke tot mien biologieartikele gooddeils oondermaots zien: de mieste zien vaan vreuger, wie iech lieger eise stèlde.

[bewirk] Euvereg

Soms es iech neet zoe... positief bin ingestèld sjrijf iech expres dinger euver naregheid. Veural zeutege fieste boe iech neet aon mèt wuns te doen rope die behoofte in miech op. Zoe kós me mèt keersemes 2010 genete vaan kaanker en höb iech Valentiensdaag 2011 geveerd mèt versjèllende geslachskrenkdes (wie touwpasselek...). Zoe bin iech evels neet ummer.

[bewirk] Ideeë euver 't sjrieve

[bewirk] Kwaliteit tege kwantiteit

't Aontal nui artikele wat iech aofliever ligk allewijl lieger es in pakweg 2005: iech stèl hoeger eise en de artikele mote veural laank en compleet zien. Dèks daon iech dat mèt 'n al gesjreve artikel, wat veur de statistiek vaan artikelgreuj natuurlek slech is, meh veur de inhaajd vaan eus Wikipedia zoeväöls te beter, vin iech. Iech grouwel vaan Wikipedia's in klein taole mèt allemaol nikszègkende artikele vaan ein regel. Wee de Limbörgse Wikipedia bezeuk, moot ech get te leze höbbe en ech get kinne vinde!

[bewirk] Gein encyclopedie vaan de Limbörge

Dit is 'n encyclopedie in 't Limbörgs, gein encyclopedie vaan Limbörg. Iech vin 't hiel veurnaom tot 't Limbörgs weurt oetgebouwd tot 't volweerdege taol, neet allein 'n taol veur de bieljart, de kantien, de vastelaovend en 't sjöttersfies, en ouch neet allein veur regiogeboonde dinger. Op d'n Ingelse Wikipedia geit 't toch ouch neet allemaol euver Ingeland en de VS? Daorum zjeneer iech miech gans zeker neet um euver 'Holland' (Wes-Nederland) te sjrieve, en ouch neet euver aander zakes die neet direk betrèkking höbbe op de Limbörge. Dat wèlt evels neet zègke tot typisch Limbörgse artikele neet bezunder gewuns zien.

[bewirk] Doctrien vaan Steinbach

De doctrien vaan Steinbach luit:

Maak, es 't neet mèt 'n aander woord conflicteert, nao eder artikel 'n Nederlandstaolege doorverwiezing aon.

De filosofie dao-achter is sumpel: kins wel ideologisch goon doen euver 't Limburgs es 'n apaarte, vaan 't Nederlands losstoonde taol, meh dat verandert veurluipeg niks aon zien sociaol status. Vaan Nederlands weite zeukers teminste wie ze 't mote sjrieve. En nog väöl belaankrieker: es 't artikel mèt Nederlands te vinde is, kumste minder in de knoup mèt versjèllende dialekte. Dit lèste liet evels stoon tot me ouch in principe alle meugeleke dialectische variante vaan 'nen artikelnaom door moot laote linke.

[bewirk] Planne en projekte

[bewirk] Geografie

  • Gemeintes in Nederland höbbe allemaol 'n artikel
  • Oetbreie sommege vaan die artikele. Oetdaging: veur eder gemeinte 'ne zinvollen dialek-paragraaf sjrieve!
  • Dörper in Nederlands Limburg (zoe good wie veerdeg, nog neet alle gehuchte/naobersjappe)
  • Oetbreie Mestreech (gepland)
  • Oetbreie artikele euver Nederlandse provincies (gepland)
  • Gemeintes in 't Belsj, um te beginne in Vlaandere (gepland)

[bewirk] Taol

algemein
  • Limburgse dialekte:
    • Wetensjappelek en systematischer aonpakke: artikele make euver (sub-)subdialekgrope, boe nujeg plaotseleke dialek-artikele sameveuge;
    • Beteren info euver Limbörgse klaanklier(e);
    • Artikel Limburgse grammair verbetere: zeker laank meh neet breid genóg. Neet mie op drie dialekte basere meh eigelek op allemaol;
    • Hoofartikel Limburgs verbetere en zörge tot alle artikele euver 't Limbörgs logisch geordend en gemekelek te vinde zien.
  • Streektaole in Nederland en 't Belsj: aonmake en oetbreie (bin bezeg aon 'n oetgebreide serie)
  • Streektaole in Duitsland/Oosteriek/Zwitserland (nog mer wieneg gedoon, zal mote wachte tot nao de "Nederlandse" dialekte)
  • Germaanse taole: oetbreie (noe nog veural stumpkes)
    • Dialekte vaan Germaanse taole (get veur later)
  • Indogermaanse taole: vergliekend historisch gedeuns enzoe (zuug de väöl roej links in Proto-Indogermaans)
  • Ander taole: oetbreie en aonmake (bin iech nog jaore mèt bezeg!)
concreet

oetbreie

aonmake

[bewirk] Muziek

Die indeiling kump later wel...

[bewirk] Biologie

Ouch nog vaan alles te doen

[bewirk] Meta-werk

[bewirk] Links veur eige gebruuk

[bewirk] Sjetse veur artikele

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Gebroeker:Steinbach&oldid=299826"
Persoenlike hulpmiddele
Naamruumdes

Anger vorme
Hanjeling
Navigatie
communicatie
Gereidsjapskis
Anger tale