Frygische mutsj

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Maçonnieke Marianne mèt frygische mutsj
Artemis mèt 'n frygische mutsj

'n Frygische mutsj is 'n zach, kegelvurmig hoofdèksel oeëvan d'r top nao vör wiest en wer nao oonder vèlt.

In de mythologie waoërt dis mutsj gedrage dör de amazones. Amazones werre op vaze aafgebeeld mèt 'n frygische mutsj.

  • De mutsj waor 'n kenmaerk van de bevolking van Frygië in Klèè-Azië. Volges de legende waoërt de mutsj 't ursjte gedrage dör kunning Midas um z'n aezels-oeëre, die e es sjtraof vör z'n domhèèd van de Gode how kraege, te verberge.
  • Later waor de mutsj kenmerkend vör de Perze en de Thraciërs. Mithras, 'ne God oet 't Perzische Zoroastrisme mae och oet 't Romeins Mithraïsme, droog e-zoe 'n mutsj. Op aow aafbeeldinge werre de Driej Kunninge oet 't ooste mit 'n frygische mutsj aafgebeeld wat deed vermoede dat ze oet Perzië aafkomstèg waore
  • De Grieke zoge de mutsj es typisch get vör barbare. Och de Macedoniërs nome de mutsj uvver van de Thraciërs en droge die bie hun vaeldtochte oonder Alexander de Groete nao Bactië.
  • De frygische mutsj waoërd bie de Romeine gedrage dör vriegelaote sjlave en hun naokaomelinge. Dit gebruuk liegkt an d'r oorsjprong van 't symbool dat dis mutsj is waoëre: n.l. 't symbool van de vriehèèd.
  • De frygische mutsj keumt ooch vör in aafbeeldinge van d'r Hollandse tuin (aodste aafbeelding sjtamt oet 1580), symbool vör de Hóllendsje gesjlaoëtenheed en vaderlandsleefde.[1]

Moderne tied[bewirk | brontekst bewerken]

Blazoen van Argentinië.
  • In modern tieje waoërt de mutsj gedrage dör de Jacobijnen. Och tiedens d'r Amerikaanse oonafhankelekhèèdkrèèg en de Fraanse Revolutie goold de mutsj es vriehèèdsymbool. 't Nationaal vriehèèdsymbool va Fraankriek, Marianne, wert aafgebeeld mit 'n frygische mutsj. Marianne is 'n samevoging van de name Maria en Anna. In 't blazoen va Argentinië en versjèjje aander Zuid-Amerikaanse leng, vindt me de frygische mutsj ooch truuk.

Tied van allewiel[bewirk | brontekst bewerken]

Huutsedaag is de frygische mutsj bekind van de Sjmurfe va Peyo en in Duutsjlaand van de Mainzelmännchen mae ooch d'r sjteek van d'r raod van 11 geet ruuk óp dit symbool va de vrieheed.

Referentie[bewirk | brontekst bewerken]

  1. Frygische nutsj ooch aafgebeeld in Hollandse tuin
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Frygische_mutsj&oldid=356429"