Euverlèk:Miemer

Pagina-inhoud wordt niet ondersteund in andere talen.
Van Wikipedia

Zèg Mergelsberg. De bedoeling is dat in dees categorie allein Typisch Limburgse wäörd waere opgenómme. Dan heuëre Miemer en Kroezjel hiej dan toch ouch in dees categorie thoes? Is is toch zeker bès leuk óm die weurd biejeinverzameld te höbbe! Of mót de naam van de categorie sóms waere aangepas?? Pivos 20 nov 2009 21:01 (CET)[reageer]

Ich han mich ff d'r tied genaome öm dat get te laote bezeenke en bèn d'r nog neet gaans oet. Vlaandere haat typische wäöerd wie bv goesting en zoe mae haat 't Hollendsj dat ooch? Ich deenk dat e concept wie typisch Limburgse wäöërd get is dat boete 't Limburgs bedach is en wal dör 't Nederlands dat in Limburg ooch de standaardtaal is. In feite zeunt 't van 't Nederlands aafwiekende wäörd. Wil v'r 't Plat laote deffiniëre es 'n van 't Nederlands aafwiekende taal? Dèk haant die typische wäöërd hön wórtele in 'n aander tale. Mae es v'r die wäöërd noe èges in 'n riej zètte, en dat zeunt de Vlaminge ooch goeë doeë...Ich bèn d'r nog neet oet. Kan d'r mich argumaente gaeve vörwat v'r zoe'n lies zówwe mótte make?--Mergelsberg 21 nov 2009 12:32 (CET)[reageer]
Iech dink ouch neet tot v'r eder woord in zoe'n cat mote duie. Zoewie Mergelsberg zeet ligk de oersprunk vaan die wäörd deks in aander taole, dus of ze typisch Limburgs zien? - Pahles 21 nov 2009 16:53 (CET)[reageer]
Ich neum dan nog mèr 'n paar veurbeelde en dat zeen ech gein weurd die oet anger tale zint euvergenómme of aafgeleid. Aomzeik, Laammaeker, Kraomejak, Vaeke, Verpópzak, Voelenser, Zökkezuimer (sjteit d'r al in mèr is door Mergelsberg d'r oet gehaold), Gróffelsnagel, Klaene, Sjmetsje, Vernäöke enz. enz. Vertèl mich mèr èns oet welke taal dees weurd zeen óntsjaon?? Es se dees weurd in b.v. 't Nederlands zouws vertale, dan sjleis se toch waal 'n beheuërlik figuur. 't Liek mich sjus 'n oetdaging óm zoavöl meugelik van dees Typische Limburgse weurd in Wikipedia LI op te numme en te verzamele in EIN categorie. Liek mich toch ech waal ein van de doelsjtèllinge van Wiki LI (en is veur mich völ interassanter es 't verzamele van allerlei Amerikaanse Counties. Laot dat mèr aan anger wiki's euver). Ich wil 't gaer van emes heuëre. Pivos 21 nov 2009 17:20 (CET)[reageer]
Aomezeik is neet typisch Limburgs. 't Kömp namelik van 't proto-germaanse "*amaitjo", wo ouch 't Ingelse "ant" en 't Pruse "Ameise" vanaafkómme. --OosWesThoesBes 21 nov 2009 18:14 (CET)[reageer]
Wo kump dae zeik dan vandaan? 't Is op z'n mins 'n verbasterd woord van amaitjo en Ameise. Pivos 21 nov 2009 18:36 (CET)[reageer]
Ich geleuf dat 'ch d'r oet bèn. Laameker en Zökkezuimer sjteunt in de cat persoene nao eigensjap; Breer is verwaant an 't fraanse barière; groffesnagel an clous de girofle; voelenser verwant an dts Faulenser; Verpopzakt zaet me ooch in 't ned; verneuken vlg mich ooch; smetsje is 'n onomatopee zjuus wie smakken: kortom wat is typisch limburgs an die wäörd? Ze wieke aaf van 't sjtandaardnederlands zjuus wie alle Limburgse wäöërd. 'n Lieske van zèk 10 wäöërd (geneumd in te make hoofdartikel van de cat) mót kènne mae dan bie wieze van väörbeeld wie sjtaerk versjillend (dus neet aafwiekend) 't Limburgs van 't Nederlands is es 't öm ow wäöërd, die waal nog gewoeén gebroekd waeëre, geet en dan mèt de volledige etymologie d'r bie. (kiek bv baar (etymologie) dat nog get baeëter óp peunt gezat mót waeëre.)--Mergelsberg 21 nov 2009 18:48 (CET)[reageer]
Blif euver Kraomejak, Klaene en Vaeke. Sjmetsje kóm ich allein in 't Limburgs plat taenge dus is 't volges mich 'n Limburgs woord, klanknaobootsing of neet. Verpópzak kóm ich in geinein Nederlands woordebook taenge. Laammaeker is typisch in Zitterd in gebruuk, dus Typisch Limburgs. Biej Voelenser, Groffelsnagel en Vernäöke gaon ich mèt dich mit. Mèr d'r zint nog óntzettend völ meë typisch Limburgse weurd, allein mót emes ze opzeuke en ómsjrieve. Baovendeen kènne artikele toch zeker in meërdere categerieë waere óngergebrach en kènt b.v. Laammaeker en Zökkezuimer (en ouch Miemer en Kroezjel) toch ouch in de Cat. Typisch Limburgse Wäörd waere opgenómme??!!! Pivos 21 nov 2009 20:00 (CET)[reageer]
V'r mote neet oet 't oug verlere tot dit 'n encyclopedie is, en neet 'n woordeboook. Veur lieste mèt wäörd moot me op de Wiktionair zien. 'n Artikel zoewie Mergelsberg is begós is evels wel meugelek: Typisch Limburgse wäöërd. - Pahles 21 nov 2009 21:14 (CET)[reageer]
Veur mich hoof dat etymologie d'r neet ummer bie te sjtaon. Noe besjteit d'r b.v. al 'n artikel euver Zeumere en kump d'r dus later 'n artikel zäöëmere (etymologie) extra biej. De etymologie kènt d'r toch sjteeds in 't artikel biej Zeumere oetgelag waere. Woróm zoa meujlik? Pivos 21 nov 2009 22:06 (CET)[reageer]
Hielemaol mèt ins! - Pahles 21 nov 2009 22:21 (CET)[reageer]
Ich vin dat die typisch Limburgse wäöërd waal zoe grondig mäögelek besjraeve mótte waeëre: kwestie van kwaliteet. Natuurlek kan de etymologie van zeumere bie dat lemma eges gezat waeëre en went die d'r bie is gezat kan v'r tóch 'ne redirect make van zäöëmere (etymologie) nao zeumere enz. Dao is tóch niks meujleks aan! --Mergelsberg 21 nov 2009 23:16 (CET)[reageer]
De vraog is of dee redirect überhaupt nudeg is. Es die etymologie in 't artikel is besjreve vinde de lui 't toch wel. Iech kin miech neet veurstèlle tot lui in 't zeukvak "zäöëmere (etymologie)" goon intype. Ze zalle ieder kieke of "zeumere" of "zäöëmere" besteit en dao alles vinde wat ze zeuke. Vaan d'n aandere kant: 'ne redirek kos niks. - Pahles 22 nov 2009 10:14 (CET)[reageer]
Ich zit heëlemaol op dezelfde lien es Pahles. Zoa waas 't vanaaf 't begin mien bedoeling. Dae redirek "zäöëmere (etymologie)" zal naots emes intype. De etymologie heuërt in 't artikel Zeumere thoes. Pivos 22 nov 2009 10:26 (CET)[reageer]
Ich han lemma Typisch Limburgse wäöërd aangemaakt en sjtraef nao kwaliteet. 't Is dan ooch cruciaal dat die wäöërd èges zoewiet wie mäögelek oeteengezat waeëre en dat is neet zoe eenvoudig. Es 'ne miensj typisch Limburgse wäöërd zeukt, kriet e meteen ooch de etymologie van de wäöërd. Es ieëmes gewoeën zeumere zeukt kan dat ooch. Ich vin dat Laameker d'r oet mót ivm 't in 't lemma geneumde criteria: gèng name van persoene nao egensjap want dao haat 't väöl typisch Limburgse (neet aerg flatterende vb van). Ich vin dat v'r ós energie baeëter in 't oetploeze van de etymologie van die wäöërd plus aanmaak van lemma's kènne sjtóppe want aanmaak van e lieske Limb wäöërd betekent vör mich WèRKE!--Mergelsberg 22 nov 2009 10:38 (CET)[reageer]
Wat is noe eigelek 't probleem, Mergelsberg? Bis diech hei weer d'n innegste dee wèrk? Sjrijf de res gein kwaliteit? Wat steit in Laameker boerum dat neet 'n typisch Limburgs woord is? Iech zeen dao gei criterium vermeld stoon. Lèt op: iech zègk neet tot dat artikel wel in die cat moot, want iech bin d'r nog neet oet. - Pahles 22 nov 2009 11:33 (CET)[reageer]
"Typisch Limburgse" weurd ('t vreug ouch nog onderzeuk um d'r achter te kómme, welke dat zint!) huère volges miech in e woordebook thoes of op wiktionair, meh neet hie. Allein es d'r ech 'n artikel gesjreve weurt rond dat woord of begrip ies 't get veur de encyclopedie.--Aelske 22 nov 2009 19:42 (CET)[reageer]
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Euverlèk:Miemer&oldid=184989"