Euverlèk:Hypercorrectie

Pagina-inhoud wordt niet ondersteund in andere talen.
Van Wikipedia

Hoi Mergelsberg,

m.b.t. 't ierste veurbeeld: is dat veurbeeld neet zjus verkierd um? - PAhles 5 mei 2007 21:02 (CEST) en eige veurbeelde of ónderzeuk maoge neet in artikele.[reageer]

De derde zin van de verklaoring van 't begrip hypercorrectie ies volges miech veur väöl luuj ónbegriepelik.

De gegeve veurbeelde zint volges miech gein gooj veurbeelde van hypercorrectie. Wat die oa betref: dat ies 'ne twièklank, dae gesjproke weurt in de Centraal-Zuudlimburgse dialekte: in Baek, Gelaen, Valkeberg enz. (de huèrs dan: oea). Daoneve höbbe ze in oastelik Limburg binne de Veldeke-sjpelling 'n oetzóndering gemaak veur de aoë-klank (dat ies 'n ao mèt 'ne a of e naosjlaag). Ze maoge dao oa blieve sjrieve. ('ne Naosjlaag weurt, of 't noe 'n a of e-klank haet, ummer mèt ë gesjreve.) In oastelik zuud- Limburg, en dat ies dus 'n oetzóndering, sjrieve (en sjreve) ze oa veur dae ao-klank mèt naosjlaag. 'n solo-ao haet dus noats 'ne naosjlaag! 't twiède veurbeeld ies gein veurbeeld van hypercorrectie, want dao were zoa dèks bie 't kalle mètklinkersj "ingesjliek" of geassimileerd. Ouch die opmerking euver die sjtudie Nederlands (m.b.t. isoglosse, dao hoofs se toch neet veur gesjtudeerd te höbbe?) ving iech neet relevant. Iech weit neet zoa gauw 'n good veurbeeld van hypercorrectie, meh dees veurbeelde bringe de lezer in de war. --Aelske 6 mei 2007 10:32 (CEST)[reageer]

Vörbeeld 1: Gister is mich al ingevalle dat 'ch dat zieëker zoonder ich mot sjrieve. Mae 't geet hie wal degelek um 'n hypercorrectie. In Gimmenich gebruukt me dik 'n j oe me in norbik 'n g gebruukt. jael-gael jreun-greun - jroeës-groeët enz. Mae in Gimmenich zigke ze waal jonges zjuus wie in Norbik. Es ieëmes oet Gimmenich, dae zich an 't Norbiks dialek aa-paast gonges zaet ipv jonges is dat 'n correctie op groond van 'n ten oonrechte es analoog an jreun-jael-jroeës besjoewd geval.

Vörbeeld 2: Klopt is gèng hypercorrectie in taalkundig zin en kint dus e-weg. Mae 't gebruuk van oa verwiest waal impliciet nao 'n taal in oostelek zuid Limburg en is 'n ao mit 'ne naosjlaag. In 't waoërd Moddersjpraok haat de ao in dae sjtrieëk gaar gene naosjlaag.

Vörbeeld 3: In Moddersjpraok wert de sj neet ingesjlikt in dae sjtrieëk mae 'n vb van hypercorrectie in tk zin is 't neet. Ich zal 't sjrappe. --Mergelsberg 6 mei 2007 14:54 (CEST)[reageer]