Empire State Building
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
't Empire State Building is de hoegste en bekinste wolkekretser vaan Manhattan, New York City (New York). Wied 120 miljoen bezeukers, boe oonder de rockgróp Kiss en de keuningin vaan Ingeland, höbbe de stad beziechteg vaanaof 't oetkiekplateau, wat in 1931 is geopend.
Inhawd |
[bewirk] Historie
Architectebureau Shreve, Lamb and Harmon oontworp 't art-deco gebouw roond 1920, in 'nen tied vaan welvaart. 't Woort evels opgeleverd tijdes de depressie en bleef jaorelaank groetendeils leegstoon, boedoor 't de bijnaom Empty State Building (vrij vertaold: Leeg Staotsgebouw) kraog. 't Is in väöl films te zien; in 1983 woort hei de 50ste verjaordaag vaan de filmklassieker King Kong vertoend, oonder gejuich vaan fans. 't Gebouw woort beklomme door 'nen opblaosbaren aap, zjus wie King Kong dat in ziene film deeg.
[bewirk] 't Gebouw
't 443 meter hoeg gebouw mèt 102 etages mós hoeger weure es 't Chrysler Building en kraog 'nen aonlègkmas veur zeppelins. Allewijl steunt hei op 'nen tv-mas.
[bewirk] Lifte
De 73 art-decolifte bereike de 86ste etaasj in 45 seconde; dat is 'n snelheid vaan 427 m per minuut. De lèste lif vertrèk eederen daag um 23.15.
[bewirk] Cinema
De cinema vaan 't gebouw liet op e groet sjerm 'n virtueel helikoptervlöch zien. De geis daan langs, euver, oonder en door inkele vaan de bekindste bezeensweerdeghede vaan de stad. De cinema kraog later de naom New York Skyride.
[bewirk] Hoegtepunte
- 't gebouw
- De lifte
- Oetkiekplateau, 102de etage
- Oetkiekplateau, 86ste etage
- Spits
- "Wonders of the World", de lobby
- 'ne Iessalon
- 'n Koffiebar
[bewirk] Info
- http://www.esbnyc.com
- Adres: 350 fifth Avenue, bij 34th Street
- Geopend op alle daog vaan 8.00 tot 0.00
- Volwassene, $ 16,-
- Jäög (12-17), $ 14,-
- Kinder (6-11), $ 10,-
- Kinder vaan 0-5, gratis
|
|
|
|---|---|
| Brooklyn • Bronx • Manhattan • Queens • Staten Island | |
