Emmaus-bewaeging

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


De Emmaus-bewaeging ies 'n charitatief insjtèlling, die ziech bezig hèlt mèt sjteun en opvang aan luuj, die gein hoes of ander ónderdaak miè höbbe. De insjtèlling woort in 1949 opgeriech door de Fransman Abbé Pierre. Hae waor 'ne kapuciener pater, later katholiek preester, dae in de twiède waereldoorlog in 't verzèt zoot.

Tegewoordig ies de bewaeging in 50 leng euver de ganse waereld actief mèt ruum 400 Emmaus-laefgemeinsjappe. In Nederland besjteit Emmaus saer 1956. In 1966 weurt de ièrsjte gemeinsjap gesjtiech in Utrech. Allewiel tèlt Nederland 21 groepe mèt vestiginge in zevetièn sjtae of dörper, o.m. in Tilburg, Den Haag, Eindhove en Ittere. De bewonersj, die dèks gein thoes miè höbbe, leve en wèrke same ónder leiding van vriewilligersj. Veural 't door hun same gerunde kringloupbedrief bringk zoaväöl op, dat projecte in binne- en boeteland gesjteund kènne were.

Nog 'n vergeliekbaar insjtèlling in Nederland ies 't Leger des Heils.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Emmaus-bewaeging&oldid=344682"