Ede

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan Ede in Gelderland

Ede is 'n plaots (versteidelek dörp) en gemeinte in de Nederlandse provincie Gelderland, op de euvergaank vaan de Gelderse Vallei nao de Veluwe (de plaots Ede ligk in de Vallei), mèt 'n oppervlak vaan 318,68 km2 (daovaan 0,35 km2 water) en (per 1 januari 2007) 107.476 inwoeners. Neve de hoofplaots Ede ligke binne de gemeinte nog de kerne Bennekom, Ederveen, Harskamp, De Klomp, Lunteren, Otterlo en Wekerom en e klei deil vaan Hoenderloo (res in de gemeinte Apeldoorn).

Stadsgeziech[bewirk | brontekst bewerken]

Door zie verleie es klei dörp en zien status es greujkern heet Ede wieneg bezeensweerdege gebouwe. De belangriekste aw monuminte zien de laat-gotische dörpskèrk en e paar meules. De mieste modern gebouwe binne de stad zien vrij oonaonzeenlik. In de oetgestrekde boetegebeier vint me väöl weerdevol cultuurlandsjappe.

Stadsfuncties[bewirk | brontekst bewerken]

Door zien centraal ligking in Nederland is Ede in de twintegste iew vestegingsplaots vaan väöl bedrieve gewore. Me vint hei oonder mie frisdraanke- en kunszijindustrie. Ouch 't hoofkentoer vaan verzekereer RVS zit hei. Ede waor laank belaangriek es garnizoensplaots mèt e groet aontal kazernes, meh defensie geit ziech oet de plaots tröktrèkke. In de gemeinte is wijer 't toerisme vaan belaank. Tenslotte is Ede nog altied 'n forenzeplaots veur beveurbeeld Arnem.

Historie[bewirk | brontekst bewerken]

Ede bestoont al in de middeliewe es brinkdörp. Door zien geïsoleerde ligking op erme zandgroond kaom 't neet tot oontwikkeling tot de kóms vaan de spoorweeg, die de plaots tot e knouppunt tösse Utrei, Amersfoort en Arnem maakde. Bij de operatie Market Garden in de Twiede Wereldoorlog landde Amerikaanse militaire bij Ede.

Gebore in Ede[bewirk | brontekst bewerken]

Externe link[bewirk | brontekst bewerken]

Provincie Gelderland

Aalten | Apeldoorn | Arnhem | Barneveld | Berkelland | Beuningen | Bronckhorst | Brummen | Buren | Culemborg | Doesburg | Doetinchem | Druten | Duiven | Ede | Elburg | Epe | Ermelo | Geldermalsen | Groesbeek | Harderwijk | Hattem | Heerde | Heume | Lingewaal | Lingewaard | Lochem | Maasdriel | Millinge | Montferland | Neder-Betuwe | Neerijnen | Nijkerk | Nimwaege | Nunspeet | Oldebroek | Oost Gelre | Oude IJsselstreek | Overbetuwe | Putten | Renkum | Rheden | Rijnwaarden | Rozendaal | Scherpenzeel | Tiel | Ubbergen | Voorst | Wageningen | West Maas en Waal | Westervoort | Wijchen | Winterswijk | Zaltbommel | Zevenaar | Zutphen

Opgeheve gemeintes

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Ede&oldid=351792"